Қашқадарё вилояти Косон туманида 2020 йил ноябрь ойида бировнинг Captiva автомашинасини сотиб юборган фирибгар ушланди, деб хабар бермоқда Тергов департаменти.
Қайд этилишича, 2020 йил ноябрь ойи охирларида Косон туманида яшовчи У.А. (26 ёшли) ўзганинг мулкини фирибгарлик йўли билан қўлга киритиш мақсадида ўзига тегишли бўлмаган Captiva автомашинасини таниши Д.С.га (43 ёшли) кўрсатган. Уни машинанинг ҳеч қандай ҳужжатлари мавжуд бўлмаса-да, ҳужжатлари тўлиқ эканига ишонтириб, 170 миллион сўм эвазига машинани номига расмийлаштириб беришини ваъда қилган. У.А. фуқародан ушбу пулларни олганидан сўнг, автомашинани номига расмийлаштириб бермасдан, олган пулларни ўзининг шахсий эҳтиёжлари учун ишлатиб юборган.
Ҳолат юзасидан У.А.га нисбатан Жиноят кодекснинг 168-моддаси 4-қисми «а» банди (жуда кўп миқдорда фирибгарлик) билан жиноят иши қўзғатилган. Ҳозирда тергов ҳаракатлари олиб борилмоқда.
Мавзуга доир:
Изоҳ (0)