O‘zbekistonlik yarim himoyachi Oston O‘runov “Ufa”dan “Spartak”ka qaytishi mumkin. Bu haqda “Metaratings.ru” xabar bermoqda.
Qayd etilishicha, “Ufa” Moskava klubidan ijaraga olingan 21 yoshli yarim himoyachini sotib olishdan bosh tortish ehtimoli mavjud. Oston “Ufa” bosh murabbiyi Aleksey Stukalovda iliq taassurot qoldira olmagan.
“Ufa” O‘runovni 2021-yilning avgustida ijaraga olgan, ijara muddati 2022-yilning iyunida tugaydi. O‘zbekistonlik futbolchi 2025-yilning yoziga qadar “Spartak”ka tegishlidir. Avvalroq “Ufa” bosh direktori Shamil Gazizov futbolchi ma’lum miqdorda o‘yinlar o‘tkazgan taqdirda sotib olish majburiyati faollashishi, transfer miqdori esa bir million yevro bo‘lishini aytgandi.
Rossiya Premyer Ligasining 23-turi doirasida “Ufa” safarda “Krilya Sovetov”ni 2:1 hisobida yengdi. Oston O‘runov 67-daqiqada o‘yinga maydonga tushib, 86-daqiqada zaxiraga olindi.
Oston umumiy hisobda 2021/22-yilgi mavsum “Ufa” safida Rossiya chempionati doirasida 11 ta o‘yin o‘tkazgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)