Futbol bo‘yicha Germaniya chempionatining 28-turidan o‘rin olgan o‘yinda “Bavariya” 2-aprel, shanba kuni “Frayburg” bilan bahs yuritdi.
“Frayburg” mezbonligida o‘tgan uchrashuvning birinchi taymida darvozalar daxlsiz qoldi. Ikkinchi 45 daqiqalikning avvalida Leon Goretska hisobni ochdi. Oradan hech qancha o‘tmasdan Nils Petersen muvozanatni tiklashga muvaffaq bo‘ldi. Biroq “Bavariya” shundan so‘ng ketma-ket 3 ta gol urib, yirik g‘alabani tantana qildi. Gollarni Serj Gnabri, Kingsli Koman va Marsel Zabitser o‘z hisobiga yozdirib qo‘ydi.
Shu tariqa Myunxen klubi chempionlik yo‘lidagi navbatdagi muhim ochkolarni qo‘lga kiritdi. G‘alabadan keyin jamoaning ochkolari soni 66 taga yetdi. Ikkinchi pog‘onadagi “Borussiya D”ning hisobida 57 ochko mavjud. “Frayburg” (45) esa 5-o‘rinni band etib turibdi.
Bundesliga
28-tur bahslari
2-aprel, shanba
“Frayburg” – “Bavariya” 1:4
Gollar: 0:1 – 58 Goretska, 1:1 – 63 Petersen, 1:2 – 73 Gnabri, 1:3 – 82 Koman, 1:4 – 90 Zabitser.“Frayburg”: Flekken, Gulde (Chjon Vu Yen, 83), Linxart, Shlotterbek, Gyunter, Shmid (Sike, 69), Hefler, Grifo, Eggeshtayn (Haberer, 83), Shallai (Petersen, 62), Heler (Vaysxaupt, 83).
“Bavariya”: Noyer, Pavar (Gnabri, 73), Upamekano, Nyanzu, Ernandes, Goretska (Tolisso, 62; Zyule, 85), Kimmix, Myuller, Levandovski (Musiala, 62), Koman (Zabitser, 84), Sane.
Ogohlantirishlar: Gyunter (70), Upamekano (90).
Izoh (0)