Ўзбекистонлик ярим ҳимоячи Остон Ўрунов «Уфа»дан «Спартак»ка қайтиши мумкин. Бу ҳақда «Metaratings.ru» хабар бермоқда.
Қайд этилишича, «Уфа» Москава клубидан ижарага олинган 21 ёшли ярим ҳимоячини сотиб олишдан бош тортиш эҳтимоли мавжуд. Остон «Уфа» бош мураббийи Алексей Стукаловда илиқ таассурот қолдира олмаган.
«Уфа» Ўруновни 2021 йилнинг августида ижарага олган, ижара муддати 2022 йилнинг июнида тугайди. Ўзбекистонлик футболчи 2025 йилнинг ёзига қадар «Спартак»ка тегишлидир. Аввалроқ «Уфа» бош директори Шамил Газизов футболчи маълум миқдорда ўйинлар ўтказган тақдирда сотиб олиш мажбурияти фаоллашиши, трансфер миқдори эса бир миллион евро бўлишини айтганди.
Россия Премьер Лигасининг 23-тури доирасида «Уфа» сафарда «Крилья Советов»ни 2:1 ҳисобида енгди. Остон Ўрунов 67-дақиқада ўйинга майдонга тушиб, 86-дақиқада захирага олинди.
Остон умумий ҳисобда 2021/22 йилги мавсум «Уфа» сафида Россия чемпионати доирасида 11 та ўйин ўтказган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)