O‘zbekistonda brokkoli yetishtirish salohiyati qanday? Bu mahsulot xorijiy davlatlarga eksport qilinadimi? Respublikada qanday navlari yetishtiriladi? Bu haqda Qishloq xo‘jaligi vazirligi ma’lumot berdi.
So‘nggi yillarda brokkoli o‘simligiga bo‘lgan qiziqish va ehtiyoj ortib bormoqda.
Respublikada aholini ushbu sabzavot ekini bilan uzluksiz ta’minlash maqsadida joriy yil hosili uchun barcha toifa xo‘jaliklarida 1,3 ming gektar maydonga brokkolini ekish rejalashtirilgan.
Shundan, 640 gektari fermer va qishloq xo‘jaligi korxonalari hamda 688 gektari aholi tomorqa maydonlariga to‘g‘ri keladi.
2021-yili 6 ming tonnadan ortiq brokkoli mahsuloti Rossiyaga eksport qilindi. Bu raqam 2020-yilgi ko‘rsatkichdan (3 ming tonnadan ortiq) ikki baravar ortiq.
Avvalroq O‘zbekiston karamning asosiy turlari eksporti bo‘yicha rekord qayd etayotgani xabar berilgan edi.
Izoh (0)