Rossiyaning Belgorod viloyatida 1-aprel kuni ertalab “Rosneft”ga qarashli neft bazasi yonib ketdi. Belgorod viloyat gubernatori Vyacheslav Gladkovning so‘zlariga ko‘ra, “Rossiya hududiga Ukraina Qurolli kuchlarining past balandlikda kirgan ikki vertolyotidan” neft bazasiga aviazarba berilgan.
Dastlabki ma’lumotlarga ko‘ra, yong‘in oqibatida, qurbonlar yo‘q. Belgorod meri Anton Ivankov ham neft bazasidagi yong‘inda qurbonlar bo‘lmaganini aytdi.
Voqea joyida favqulodda xizmatlar ishlamoqda.
Neft bazasi joylashgan uchta ko‘cha aholisi evakuatsiya qilindi, ular vaqtincha “Belgorod Arena”ga joylashtirildi.
Hodisaga Ukraina tomonidan hozircha izoh berilmagan.
Bir necha kun avval Belgorod viloyatida Krasniy Oktabr qishlog‘i yaqinida portlashlar sodir bo‘lgan edi. “TASS” manbalariga tayanib, Ukraina tomonidan otilgan snaryadlar ushbu hududda joylashgan harbiy lagerga tushgani, to‘rt nafar harbiy jarohatlangani haqida xabar bergan.
Izoh (0)