Tashkent Index ulkan savdo va ishlab chiqarish majmuasining birinchi bosqichi ochilishi munosabati bilan tantanali bayram tadbirlari bo‘lib o‘tdi. Bayram tadbirlari 3 kun — 27-martdan 29-martga qadar davom etdi. Tantanali tadbir shodlik va bayramona muhitda o‘tgan. Bolalarni, kattalarni hamda barcha mehmonlarni birdek quvontiruvchi qiziqarli ko‘ngilochar dasturlar, yulduzli mehmonlar ishtirokidagi konsertlar, musiqiy shou va boshqa ajoyib tomoshalar tashkil qilingan.
27-mart kuni Tashkent Index majmuasining rasmiy ochilishi bo‘lib o‘tdi. Tadbirda Toshkent shahar hokimligi va Yangihayot tumani hokimligi vakillari hamda Tashkent Index majmuasida faoliyat yuritayotgan tadbirkorlar qatnashdi.
Shu bilan birga, tadbirning birinchi kunida do‘konlar egalariga kalit topshirish marosimi o‘tkazildi va “Tashkent Index’da joy xarid qiling va Maldiv orollariga yo‘l oling” aksiyasi natijalari e’lon qilindi. Tadbirning rasmiy qismi tugagach, Yulduz Usmonova, Umidaxon, Shohruhxon, Afruza va boshqa yulduzli mehmonlar ishtirokida konsert dasturi boshlandi.
Tashkent Index majmuasi ochilishiga bag‘ishlangan bayram tadbirlari 28 va 29-mart kunlari ham davom etdi. Bayram Munisa Rizayeva, Shohruh, Tohir Sodiqov, Ziyoda, “Benom” guruhi, “VIA Marokand”, “Million” va “Dizayn” jamoalarining konsert dasturi bilan davom etdi.
Tashkent Index majmuasida bo‘lib o‘tgan bayram tadbirlariga bir necha ming kishi tashrif buyurdi.
Tashkent Index loyihasining birinchi bosqichida quyidagi do‘kon va xizmat ko‘rsatish obyektlari ishga tushirildi:
- kosmetika, kiyim-kechak, oziq-ovqat do‘konlari hamda markaziy yo‘l yuzidagi universal do‘konlar;
- umumiy ovqatlanish majmuasining birinchi binosi;
- ishlab chiqarish maydonlari;
- mehmonxona;
- ekspomarkaz.
Mehmonlar Tashkent Index majmuasiga yuqori baho berib, aholi hordiq chiqarish hamda bozorlik qilish uchun barcha qulayliklar mavjudligini ta’kidladilar.
“Tumanimizda shunday ulkan majmua bunyod etildi, bundan xursandmiz va baxtiyormiz. Tashkent Index majmuasining ko‘lami kishini hayratga soladi. Bu yerda judayam ko‘p do‘kon joylashgan, bozorlik qilish qulay bo‘lar ekan”, — deya ta’kidladi Tashkent Index majmuasining ilk mehmonlari.
Tashkent Index majmuasida nafaqat xaridorlar, balki tadbirkorlar uchun ham barcha qulayliklar mavjud. Bu yerda ishlab chiqarish, savdo qilish va eksportni yo‘lga qo‘yish uchun barcha sharoitlar yaratildi. Hech shubhasiz, Tashkent Index majmuasi tadbirkorlik rivojiga katta hissa qo‘shadi.
Tashkent Index majmuasi haqida
Tashkent Index — bu Yangihayot tumanida joylashgan 72 gektarli yirik industrial biznes park. Bu yerda ishlab chiqarish maydonlari, 3 000 dan ortiq savdo do‘konlari, kichik ishlab chiqarish maydonlari, restoranlar, fudkortlar, ekspomarkaz, mehmonxona, logistika markazi va boshqa obyektlar joylashadi. Majmua hududida zamonaviy infratuzilma yaratilmoqda, bu esa ishlab chiqarish, xizmat ko‘rsatish va kichik tadbirkorlik rivojlanishiga ijobiy ta’sir qiladi.
Tashkent Index mehmonlariga yanada qulaylik yaratish maqsadida poytaxtimizning asosiy ko‘chalari orqali bepul avtobuslar yo‘nalishlari yo‘lga qo‘yildi. Ushbu avtobuslarda mehmonlar Tashkent Index majmuasiga oson va bepul yetib kelishlari mumkin bo‘ladi.
Tashkent Index majmuasi haqida batafsil ma’lumotni ijtimoiy tarmoqlardagi sahifalarimizda yoki quyidagi raqamlar orqali olishingiz mumkin:
+99899 332 33 33
+99855 900 99 99
Manzil: Toshkent shahri, Yangihayot tumani, Sofdil ko‘chasi
Sayt: tashindex.mimar.uz
Telegram: t.me/tashkentindexuz
Facebook: fb.com/tashkentindex
Instagram: tashkentindex
Reklama huquqi asosida.
Izoh (0)