Qoraqalpog‘istonning Nukus shahrida fuqaroni “Qo‘ng‘irot mintaqaviy temiryo‘l uzeli” UKga ishga kiritib qo‘ymoqchi bo‘lgan firibgar va uning sherigi ushlandi, deb xabar bermoqda Iqtisodiy jinoyatlarga qarshi kurashish departamenti.
Qayd etilishicha, Bosh prokuratura huzuridagi departamentning Nukus shahar bo‘limi tomonidan DXXning Qoraqalpog‘iston Respublikasi boshqarmasi bilan hamkorlikda tezkor tadbir o‘tkazilgan. Unda fuqaro A.S. fuqaro D.ni tanishlari yordamida 3 ming dollar evaziga “Qo‘ng‘irot mintaqaviy temiryo‘l uzeli” UKga ishga joylashtirib qo‘yishni va’da qilgani aniqlangan. U kelishilgan puldan 1 ming dollarini olgan vaqtida ushlangan. Fuqaroning ko‘rsatuviga asosan davom etgan tadbirda Qo‘ng‘irot sanoat texnikumi direktori M.T. ham 1 ming dollarini olgan vaqtida ashyoviy dalillar bilan qo‘lga olingan.
Holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilgan. Hozirda tergov harakatlari o‘tkazilmoqda.
Mavzuga doir:
- Sirdaryoda tanishlari orqali FVV tizimiga ishga kiritib qo‘yish uchun fuqarodan 800 dollar olgan shaxs ushlandi
- DXX nodavlat institutga o‘qishga kiritishni va’da qilib, fuqarodan 1500 dollar olgan talabalarni qo‘lga oldi
- Farg‘onada Koreyaga ishga yuborishni va’da qilib, 2500 dollar olgan shaxsga jinoyat ishi qo‘zg‘atildi
Izoh (0)