Braziliya prezidenti Jair Bolsonaru qornidagi og‘riq tufayli shoshilinch ravishda shifoxonaga yotqizildi, deb xabar beradi Reuters.
Jair Bolsonaru qornida yuzaga kelgan qattiq og‘riqni tekshirish uchun mamlakat poytaxtidagi harbiy gospitalga yetkazilgan.
“Uning ahvoli yaxshi”, — deydi aloqa vaziri Fabio Faria. Shu bilan birga, u “qornidagi og‘riq” sabab tahlil namunalarini topshirish uchun gospitalga olib borilganini tasdiqlagan.
Ma’lum qilinishicha, Bolsonaru bir kecha shifoxonada kuzatuv ostida qoladi. Hozircha shifokorlar davlat rahbarining ahvoliga hech qanday izoh bermagan. Birinchi xonim Mishel Bolsonaru turmush o‘rtog‘i o‘zini yaxshi his qilayotganini bildirgan.
2018-yilda saylovoldi kampaniyasi paytida Jair Bolsonaruga pichoq bilan hujum qilingan. U oshqozonidan yaralangan, ichaklariga zarar yetgan. Shundan so‘ng Bolsonaru oltita operatsiyani boshdan o‘tkazgan, ularning ayrimlari hujum bilan bog‘liq bo‘lmagan. 2021-yilda esa Braziliya prezidenti 10 kundan ortiq davom etgan hiqichoq tufayli kasalxonaga yotqizilgandi.
Izoh (0)