18-mart kuni prezidentning navbatdagi qarori qabul qilindi. Unga ko‘ra Tashkent City bog‘i sotiladi.
Qaror bilan ommaviy savdolar orqali sotiladigan 1501 ta ko‘chmas mulk obyektlari ro‘yxati tasdiqlandi. Ro‘yxatga Tashkent City bog‘i ham kiritilgan.
Shuningdek, 2022-yil 1-apreldan mahalladagi hokim yordamchilari tomonidan bo‘sh turgan davlat obyekti yoki yerlar aniqlanib:
- 2 ming kvadrat metrgacha obyektlar — hokim yordamchilarining onlayn buyurtmaga asosan to‘g‘ridan to‘g‘ri elektron onlayn auksionga chiqariladi;
- qishloq xo‘jaligiga mo‘ljallanmagan yerlar — “Yerelektron” tizimi orqali yuborilgan onlayn buyurtma 3 kunda tegishli idoralar tomonidan ko‘rib chiqiladi va ijobiy xulosa bo‘lganda, 2 haftada onlayn auksionga chiqariladi.
Xususiylashtirishda boshlang‘ich narxni e’lon qilmasdan talabgorlarni muzokaralarga ommaviy taklif qilish yo‘li bilan sotish uslubi joriy etiladi.
Avvalroq Toshkentda Geologiya qo‘mitasi binosi 75 mlrd so‘mga auksionga qo‘yilgani haqida xabar qilingan edi.
Izoh (0)