18 март куни президентнинг навбатдаги қарори қабул қилинди. Унга кўра Tashkent City боғи сотилади.
Қарор билан оммавий савдолар орқали сотиладиган 1501 та кўчмас мулк объектлари рўйхати тасдиқланди. Рўйхатга Tashkent City боғи ҳам киритилган.
Шунингдек, 2022 йил 1 апрелдан маҳалладаги ҳоким ёрдамчилари томонидан бўш турган давлат объекти ёки ерлар аниқланиб:
- 2 минг квадрат метргача объектлар — ҳоким ёрдамчиларининг онлайн буюртмага асосан тўғридан-тўғри электрон онлайн аукционга чиқарилади;
- қишлоқ хўжалигига мўлжалланмаган ерлар — «Ерэлектрон» тизими орқали юборилган онлайн буюртма 3 кунда тегишли идоралар томонидан кўриб чиқилади ва ижобий хулоса бўлганда, 2 ҳафтада онлайн аукционга чиқарилади.
Хусусийлаштиришда бошланғич нархни эълон қилмасдан талабгорларни музокараларга оммавий таклиф қилиш йўли билан сотиш услуби жорий этилади.
Аввалроқ Тошкентда Геология қўмитаси биноси 75 млрд сўмга аукционга қўйилгани ҳақида хабар қилинган эди.
Изоҳ (0)