Har yili o‘tkaziladigan “Oskar” mukofotini topshirish marosimi turli mamlakatlar kino ixlosmandlarini befarq qoldirmaydi. Aktyor va aktrisalar ismlari g‘olib ismi yozilgan konvertda bo‘lishini orziqib kutishadi. Ekranlarga mixlangan tomoshabinlar esa voqeaning bir lahzasini ham o‘tkazib yubormaslikka harakat qilishadi.
AdMe nashri turli yillarda bo‘lib o‘tgan taqdirlash marosimlaridagi yulduzlarning his-tuyg‘ulari to‘lib-toshgan kadrlarni bir joyga to‘pladi.
Leonardo Di Kaprio “Oskar”ga birinchi nominatsiyadan 23 yil o‘tgachgina sazovor bo‘lgan. O‘sha esda qolarli oqshomda aktyor pechenye sotib olgan va zalning o‘zidayoq shirinlik bilan o‘zini xursand qilgan.
Ledi Gaga “Yulduz tug‘ildi” filmidagi ijrosi uchun orzu qilingan mukofotga erishganida ko‘z yoshlarini tutib turolmagan.
Bred Pitt 2014-yilgi marosimda Meril Stripga bir bo‘lak pitssa taklif qilmoqda.
Fransuz aktyori Jan Dyujarden Uggi laqabli iti bilan “Eng yaxshi erkak roli” mukofotini olishga chiqdi. It uning “Artist” filmidagi sherigi edi.
Eng mashhur selfilardan biri 2014-yildagi marosimda olingan. Kimdir orqa ko‘rinishni ham suratga olishga muvaffaq bo‘lgan.
2019-yilda Rami Malek sahnada ketayotganda qoqilib, qo‘lida haykalcha bilan tomoshabinlar ustiga yiqilib tushgan. Fotosuratchi yulduzning yuzidagi his-tuyg‘ularni kadrga muhrlashga ulgurgan.
2017-yilgi marosimda sharmandalik yuz berdi. Kimdir konvertlarni almashtirib yuborgan va aktyor Uorren Bitti “Oy nuri” filmi o‘rniga “La La Lend”ni g‘olib deb e’lon qilgan.
2019-yilda aktyorlar Melissa Makkarti va Brayan Tayri Genri “Eng yaxshi kostyum dizayni” nominatsiyasida mukofotni topshirish uchun g‘alati liboslarda sahnaga chiqishgan.
Julia Roberts orkestrdan uning nutqini bo‘lmaslikni so‘ragan va qoidaga ko‘ra 45 soniya bilan cheklanmay, sahnada 4 daqiqa gapirgan.
Benedikt Kemberbetch 2014-yilgi marosimning qizil gilamida U2 guruhining fotosessiyasini buzgan. Keyinchalik ushbu fotosurat ko‘plab memlarga sabab bo‘lgan.
“Eng yaxshi moslashtirilgan ssenariy” yo‘nalishida ilk “Oskar”ini qo‘lga kiritgan Tayka Vaytiti Natali Portman va Timoti Shalame bilan suratga tushdi.
2020-yilda aktyorlar Jeyms Korden va Rebel Uilson “Eng yaxshi vizual effektlar” nominatsiyasi g‘olibini e’lon qilish uchun mushuklardek kiyinib sahnaga chiqishgan.
2014-yilgi “Oskar” statuetkasi sohibi Jared Leto Enn Xeteueyning fotosessiyasini buzishga qaror qilgan ko‘rinadi.
Mavzuga doir:
- Enaga, sartarosh va styuardessa: Mashhurlarning shou-biznes olamidan uzoq rafiqalari (foto)
- Gollivud yulduzlarining onasiga quyib qo‘ygandek o‘xshaydigan qizlari (foto)
- Kal Maykl Jekson, yetim Merilin Monro — mashhurlar haqida siz bilmagan faktlar
- Hayratda qolishingiz kafolatlangan: butunlay boshqa qiyofaga kirgan grimdagi yulduzlar (foto)
Izoh (0)