Ҳар йили ўтказиладиган «Оскар» мукофотини топшириш маросими турли мамлакатлар кино ихлосмандларини бефарқ қолдирмайди. Актёр ва актрисалар исмлари ғолиб исми ёзилган конвертда бўлишини орзиқиб кутишади. Экранларга михланган томошабинлар эса воқеанинг бир лаҳзасини ҳам ўтказиб юбормасликка ҳаракат қилишади.
AdMe нашри турли йилларда бўлиб ўтган тақдирлаш маросимларидаги юлдузларнинг ҳис-туйғулари тўлиб-тошган кадрларни бир жойга тўплади.
Леонардо Ди Каприо «Оскар»га биринчи номинациядан 23 йил ўтгачгина сазовор бўлган. Ўша эсда қоларли оқшомда актёр печенье сотиб олган ва залнинг ўзидаёқ ширинлик билан ўзини хурсанд қилган.
Леди Гага «Юлдуз туғилди» фильмидаги ижроси учун орзу қилинган мукофотга эришганида кўз ёшларини тутиб туролмаган.
Бред Питт 2014 йилги маросимда Мерил Стрипга бир бўлак пицца таклиф қилмоқда.
Француз актёри Жан Дюжарден Угги лақабли ити билан «Энг яхши эркак роли» мукофотини олишга чиқди. Ит унинг «Артист» фильмидаги шериги эди.
Энг машҳур селфилардан бири 2014 йилдаги маросимда олинган. Кимдир орқа кўринишни ҳам суратга олишга муваффақ бўлган.
2019 йилда Рами Малек саҳнада кетаётганда қоқилиб, қўлида ҳайкалча билан томошабинлар устига йиқилиб тушган. Фотосуратчи юлдузнинг юзидаги ҳис-туйғуларни кадрга муҳрлашга улгурган.
2017 йилги маросимда шармандалик юз берди. Кимдир конвертларни алмаштириб юборган ва актёр Уоррен Битти «Ой нури» фильми ўрнига «Ла Ла Ленд»ни ғолиб деб эълон қилган.
2019 йилда актёрлар Мелисса Маккарти ва Брайан Тайри Генри «Энг яхши костюм дизайни» номинациясида мукофотни топшириш учун ғалати либосларда саҳнага чиқишган.
Жулиа Робертс оркестрдан унинг нутқини бўлмасликни сўраган ва қоидага кўра 45 сония билан чекланмай, саҳнада 4 дақиқа гапирган.
Бенедикт Кембербетч 2014 йилги маросимнинг қизил гиламида У2 гуруҳининг фотосессиясини бузган. Кейинчалик ушбу фотосурат кўплаб мемларга сабаб бўлган.
«Энг яхши мослаштирилган сценарий» йўналишида илк «Оскар»ини қўлга киритган Тайка Вайтити Натали Портман ва Тимоти Шаламе билан суратга тушди.
2020 йилда актёрлар Жеймс Корден ва Ребел Уилсон «Энг яхши визуал эффектлар» номинацияси ғолибини эълон қилиш учун мушуклардек кийиниб саҳнага чиқишган.
2014 йилги «Оскар» статуэткаси соҳиби Жаред Лето Энн Хетеуэйнинг фотосессиясини бузишга қарор қилган кўринади.
Мавзуга доир:
- Энага, сартарош ва стюардесса: Машҳурларнинг шоу-бизнес оламидан узоқ рафиқалари (фото)
- Голливуд юлдузларининг онасига қуйиб қўйгандек ўхшайдиган қизлари (фото)
- Кал Майкл Жексон, етим Мерилин Монро — машҳурлар ҳақида сиз билмаган фактлар
- Ҳайратда қолишингиз кафолатланган: бутунлай бошқа қиёфага кирган гримдаги юлдузлар (фото)
Изоҳ (0)