Sirlarini oshkor qilib muxlislarining yanada ko‘proq mehriga sazovor bo‘lgan Gollivud yulduzlari

Boy va mashhur odamlarning hayoti millionlab muxlislar, ijtimoiy tarmoqlardagi obunachilari va teletomoshabinlarning e’tiborini tortadi. Va bu bekorga emas.

AdMe nashri yulduzlar haqidagi ko‘pchilikni hayratda qoldiradigan ba’zi faktlarni taqdim etadi.

Zodagon Peris Xilton maktab-internatda katta bo‘lgan

Million dollarlik boylik merosxo‘ri va 2000-yillarning eng mashhur zodagon ayoli juda qiyin o‘tmishga ega. U juda badavlat, lekin juda qattiqqo‘l oilada o‘sgan. Balki shuning uchun ham u ota-onasi bilan tez-tez bahslashar va o‘zini yomon qizlardek tutgandir.

Oxir-oqibat oila bunga chiday olmaydi va Perisni tarbiyasi og‘ir o‘smirlar maktab-internatiga yuborishadi. Keyinchalik u bu haqda hujjatli film yaratadi, unda muassasa xodimlarining u va boshqa o‘quvchilarga nisbatan shafqatsiz xatti-harakatlari haqida gapiriladi. Xilton u yerdan deyarli bir yildan keyin, 18 yoshida chiqib ketishga muvaffaq bo‘lgan.

Ledi Gaga Maykl Jeksonning kiyimlarini sotib oladi

Maykl Jeksonning o‘ziga xos uslubi bor edi. Shu sabba ham kiyimlaridagi ko‘plab detallar keyinchalik urfga kirgan. Misol uchun, straz (sun’iy qimmatbaho tosh) bilan bezatilgan qo‘lqop, uzun oq paypoq yoki aviator ko‘zoynak.

Ledi Gaga xonandani moda olamidagi ilhom manbasi deb ataydi. Shuning uchun xonandaning garderobidagi narsalarni sotib olishni kanda qilmaydi. Ayni paytda uning kolleksiyasida 400 ga yaqin buyum mavjud. Ko‘pincha qo‘shiqchi kumirining kiyimlarini ham kiyadi. 2016-yilda Ledi Gaga Maykl Jeksonning pidjagida ko‘rinish bergan.

Chenning Teytumning sevgan qizi hammaning ko‘z o‘ngida uni tashlab ketgan

Chenning Teytum Gollivudning eng kelishgan erkaklaridan biri hisoblanadi. Biroq har doim ham bunday bo‘lmagan. Maktab yillarida aktyor noxush voqeani boshdan kechirgan. Birinchi muhabbati bo‘lgan qiz g‘alati tarzda u bilan munosabatlarni uzishga qaror qiladi. Uning dugonasi maktab avtobusining derazasidan Teytumga qiz endi u bilan birga bo‘lishni xohlamasligini aytadi. Avtobusdagi hamma qalbi singan bolaga qarab, ustidan kuladi.

Emma Uotson “Garri Potter” filmini suratga olish jarayonini doim buzib turgan

Emma Uotson bolaligidan Garri Potter kitoblarining muxlisi edi, uni filmda o‘ynashga taklif qilishganda, u barcha qahramonlarning satrlarini yoddan bilardi. Bu rejissor Kris Kolambus uchun haqiqiy muammoga aylanadi, chunki yosh aktrisa har bir personaj o‘rniga gapirib, suratga olish jarayoniga xalaqit berardi. Uotsonning so‘zlariga ko‘ra, u har safar kadr buzilgani uchun kechirim so‘ragan, ammo o‘zini hech ham tutib turolmagan.

Ariadna Guterrezga avvaliga “Koinot go‘zali” toji beriladi, so‘ngra olib qo‘yiladi

Kolumbiya vakili Ariadna Gutierrez “Koinot go‘zali-2015” finalini hech qachon unutmasa kerak. U toj va lenta taqilganida bir necha daqiqa o‘zini g‘olibdek his qiladi. Biroq go‘zallik tanlovi boshlovchisi — komediyachi Stiv Xarvi adashganini e’lon qilganidan keyin hammasi o‘zgaradi.

Musobaqada Guterrez ikkinchi o‘rinni egallagan, birinchi o‘rin filippinlik qizga nasib etgan edi. Hammaning ko‘z o‘ngida Ariadnaning “Koinot go‘zali” atributlari olinib, boshqa ishtirokchiga kiydirilgan. Bu voqeadan so‘ng qiz filippinlik raqibidan ham mashhur bo‘lib ketdi. Mashhurlar u haqida ijtimoiy tarmoqlarda yozishgan, Xarvining o‘zi uzr so‘rash belgisi sifatida uni teleko‘rsatuviga faxriy mehmon sifatida taklif qilgan.

Billi Aylish qo‘shig‘ining so‘zlarini unutib qo‘ygan

Billi Aylish Coachella Valley musiqiy festivalida chiqish paytida “All the good girls go to hall” xitini ijro etayotib qo‘shiq matnini unutib qo‘yadi. Muxlislari darhol yulduz o‘rniga qo‘shiq aytishni boshlaydilar va shu bilan unga kompozitsiyaning satrlarini eslatadilar.

Kianu Rivz internetda o‘zi bilan bo‘ladigan uchrashuvni sotgan

Kianu Rivz Gollivudning eng sirli yulduzlaridan biri, ammo yaxshi sababga ko‘ra muxlislarining uni yaqinroq bilishiga rozi bo‘ladi. Aktyor bilan 15 daqiqalik Zoom uchrashuvi xayriya tadbiri doirasida kimoshdi savdosiga qo‘yiladi. Shu yo‘l bilan aktyor onkologiya bilan og‘rigan bolalar uchun o‘n minglab dollar xayriya qiladi.

Xuddi shu maqsadda qo‘shiqchi Elli Bruk, aktyor Jonatan Freyks va boshqa bir qancha taniqli odamlar o‘zlari bilan bo‘ladigan uchrashuvlarni onlayn tarzda sotgan.