Ukrainada kechayotgan urushning yigirma sakkizinchi kuni — suratlarda
Ukrainadagi urush yigirma sakkiz kundan beri davom etmoqda. 23-martga o‘tar kechasi va erta tongda Kiyev yana o‘qqa tutildi: zarbalar turar joy binolariga tegdi, to‘rt kishi yaralandi. Mariupolda Ivan Aivazovskiyning rasmlari saqlanadigan Arkxip Kuinji nomidagi san’at muzeyi binosi vayron qilindi. Belgorod viloyatining ikki qishlog‘ida, Rossiya rasmiylariga ko‘ra, Ukraina tomonidan tashlanib portlagan snaryad tufayli favqulodda holat joriy etilgan. Ukraina sog‘liqni saqlash vaziri Viktor Lyashkoning aytishicha, rossiyalik harbiylar 58 ta tez yordam mashinasiga o‘q uzgan, natijada 6 nafar tibbiyot xodimi halok bo‘lgan. Shuningdek, 23-mart kuni yana bir jurnalistning o‘limi haqida xabar berildi: The Insider nashrida ishlaydigan rossiyalik Oksana Baulina Kiyevdagi o‘tishmada halok bo‘lgan. Meduza urushning yigirma sakkizinchi kunidan asosiy fotosuratlarini jamladi.
Nikolayevning Ingulskiy tumanida Rossiya qo‘shinlari tomonidan o‘qqa tutilib, yong‘in chiqqan omborda o‘t o‘chiruvchilar yong‘inni o‘chirmoqdaFoto: AFP
Kiyevning Shevchenkovskiy tumanida Rossiya kuchlari tomonidan o‘qqa tutilgan uyda o‘t o‘chiruvchi. Kiyev shahar ma’muriyatining xabar berishicha, 23-martga o‘tar kechasi va erta tongda shahar yana o‘qqa tutilgan.Foto: AFP
Kiyevning Shevchenkovskiy tumanidagi otishma oqibatida bir nechta xususiy uylar va ko‘p qavatli turar joy yonib ketdi, to‘rt kishi jarohat oldi.Foto: AP Photo
Rus askarlari tomonidan o‘qqa tutilgan hududda ko‘chani tozalayotgan Kiyev aholisiFoto: Reuters
Kiyevda otishma oqibatida zarar ko‘rgan ofis binosiFoto: Sopa Images
Kiyevdagi Lukyanovskiy bozori atrofida sochilgan shisha siniqlariFoto: Sopa Images
Kiyev chekkasidagi nazorat punktida qilich ushlagan jangchining haykaliFoto: EPA
Kiyev chetidagi Ukraina artilleriyasi Foto: EPA
Donetsk viloyatining Volnovaxa va Dokuchaevsk hududlari o‘rtasidagi yo‘lda turgan Rossiya harbiy texnikasi. Rossiya Mudofaa vazirligining ma’lumotlarga ko‘ra, DXR kuchlari Verxnetoretskoye shaharchasi va Novobaxmutovka qishlog‘ini nazoratga olgan.Foto: Scanpix
Mariupol aholisi rossiyalik harbiylar nazorati ostida gumanitar yordam olmoqdaFoto: Scanpix
Rossiya armiyasi nazoratidagi Donetsk viloyatining Marinka shahridagi vayron qilingan binolardan birida o‘tirgan askar.Foto: Reuters
Odessa aholisi qurol bilan ishlashni o‘rganmoqda. 23-mart kuni Rossiya prezidentining matbuot kotibi Dmitriy Peskov bergan bayonotga ko‘ra, rossiyalik harbiylar “tinch aholi qo‘liga qurol olib, harbiylarni nishonga olmaguncha ularga qarata o‘q uzmaydi”.Foto: EPA
Boris Romanchenkoning kvartirasini ko‘zdan kechirayotgan qo‘shnisi. 96 yoshli Romanchenko Ikkinchi jahon urushi davrida konslagerlardan omon qolgan edi. U 22-mart kuni Xarkovdagi uyida otishmalar oqibatida halok bo‘ldi. Bugun nemis konslagerlarining sobiq mahbuslari uning o‘limi haqida shunday demoqda: “Putin va uning generallari biz kurashgan hamma narsani sharmanda qilmoqda”Foto: Scanpix
Mariupoldagi turar joy binolari yaqinidagi qabrlarFoto: Scanpix
Maxar Technologies tomonidan taqdim etilgan sun’iy yo‘ldosh tasviri. Mariupolning Livoberejniy tumani bugungi kunda shunday ko‘rinishdaFoto: AP Photo
Izoh (0)