Rossiya Davlat dumasi xorij davlatlarining mamlakat ichki ishiga aralashuvini tekshirish bo‘yicha komissiya tuzdi. Bu haqda Rossiya parlamenti quyi palatasining saytida ma’lum qilindi.
Tegishli qaror loyihasida ta’kidlanishicha, tuziladigan komissiyaning asosiy vazifasi boshqa davlatlarning Rossiya ichki ishlariga aralashuvini o‘rganish va faktlarni tahlil qilish, bu kabi aralashuv va tashabbuslarga qarshi turish uchun qonunchilik choralari qabul qilinishi bo‘yicha takliflar tayyorlash hamda xorij davlatlari parlamentlari, xalqaro jamoatchilik tashkilotlari va ommaviy axborot vositalarini xabardor qilishdan iborat bo‘ladi.
Aniqlik kiritilishicha, mazkur komissiya Rossiya Davlat dumasining amaldagi chaqiruvi vakolatlaridan oshmaydigan muddatda faoliyat ko‘rsatadi. Komissiya raisi etib Xavfsizlik va korrupsiyaga qarshi kurashish qo‘mitasi rahbari Vasiliy Piskaryov saylangan. Bunday komissiya oldin Davlat dumasining VII chaqirig‘i vaqtida bo‘lgan.
Avvalroq Xavfsizlik va korrupsiyaga qarshi kurashish qo‘mitasi rahbarining o‘rinbosari Andrey Lugovoy parlament quyi palatasiga xorijiy agentlar bo‘yicha yagona qonunni ishlab chiqish taklifini bildirishini ma’lum qilgandi.
Izoh (0)