Toshkent shahri Shayxontohur tumanida 21-mart kuni Nexia-3 avtomobili haydovchisi ikki nafar piyodani urib yubordi. Bu haqda Yo‘l harakati xavfsizligi xizmati xabar qildi.
Qayd etilishicha, shu kuni soat 10:25 larda haydovchi A.I. (1990-yilda tug‘ilgan) Olmazor ko‘chasi bo‘ylab harakatlanayotib, tartibga solinmagan piyodalar o‘tish joyidan yo‘lni kesib o‘tayotgan ikki nafar piyodani urib yuborgan.
Yo‘l-transport hodisasi oqibatida piyodalar N.G‘. va M.A. yengil tan jarohati bilan shifoxonaga olib borilgan.
Holat Toshkent shahar IIBB YHXB xodimlari tomonidan rasmiylashtirilgan. Hozirda surishtiruv davom etib, tegishli hujjatlar to‘planmoqda.
“Barcha haydovchilardan qoidalarga rioya qilishlarini, piyodalarga e’tiborli bo‘lishlarini so‘raymiz”, — deyiladi xabarda.
Mavzuga doir:
- Farg‘onada mast va voyaga yetmagan haydovchilar boshqaruvidagi Lacetti’lar to‘qnashdi, Qashqadaryoda Matiz mashina itarib ketayotgan piyodalarni urib ketdi. YTHlar tafsilotlari
- Samarqandda 11 oy avval avtomobil boshqarish huquqidan mahrum bo‘lgan haydovchi qizaloqni urib yuborib, uning o‘limiga sababchi bo‘ldi
- Toshkentda Cobalt kanalga tushib ketdi (video)
Izoh (0)