Toshkent shahrida “Toshkent xalqaro marafon tadbiri” o‘tkazilishi munosabati bilan bir qator ko‘chalarda transport vositalarining harakati vaqtincha cheklanadi. Bu haqda shahar Ichki ishlar bosh boshqarmasi xabar qildi.
Qayd etilishicha, 25-mart kuni soat 16:00 dan 27-mart kuni soat 18:00 gacha Olmazor ko‘chasi: Beshyog‘och ko‘chasidan I.Karimov ko‘chasigacha harakat cheklanadi. Shuningdek, 27-mart kuni soat 05:00 dan 18:00 gacha:
- I.Karimov ko‘chasi: Olmazor ko‘chasidan Sh.Rashidov ko‘chasigacha;
- Sh.Rashidov ko‘chasi: I.Karimov ko‘chasidan Afrosiyob ko‘chasigacha;
- Shahrisabz ko‘chasi: A.Temur ko‘chasidan Oybek ko‘chasigacha;
- Afrosiyob ko‘chasi: Shaxrisabz ko‘chasidan Beshyog‘och ko‘chasigacha;
- Oybek ko‘chasi: Nukus ko‘chasidan Shahrisabz ko‘chasigacha;
- Nukus ko‘chasi: Istiqlol ko‘chasidan Oybek ko‘chasigacha;
- A.Qodiriy ko‘chasi: Abay ko‘chasidan Istiqlol ko‘chasigacha.
Eslatib o‘tamiz, Toshkent shahri Yashnobod tumanining O‘sh ko‘chasi bo‘ylab Qorasuv kanali ustidan o‘tuvchi avtomobil yo‘li ko‘prigi rekonstruksiya qilinadi. Shu sababli O‘sh ko‘chasi “Do‘stlik” madaniyat va istirohat bog‘i ko‘prigi bilan kesishmasidan Boysun ko‘chasi kesishmasigacha va undan O‘sh 1-tor ko‘chasi kesishmasigacha bo‘lgan oraliq 2022-yilning 11-fevralidan mart oyi oxirigacha avtomobillar harakati uchun yopiladi.
Shuningdek, Toshkent shahri THAY va Farg‘ona yo‘li ko‘chalarini birlashtiruvchi ikkita yo‘l ta’mirlash ishlari sababli 19-mart kunidan boshlab ishlar yakuniga qadar yopiladi.
Izoh (0)