Тошкент шаҳри Шайхонтоҳур туманида 21 март куни Nexia-3 автомобили ҳайдовчиси икки нафар пиёдани уриб юборди. Бу ҳақда Йўл ҳаракати хавфсизлиги хизмати хабар қилди.
Қайд этилишича, шу куни соат 10:25 ларда ҳайдовчи А.И. (1990 йилда туғилган) Олмазор кўчаси бўйлаб ҳаракатланаётиб, тартибга солинмаган пиёдалар ўтиш жойидан йўлни кесиб ўтаётган икки нафар пиёдани уриб юборган.
Йўл-транспорт ҳодисаси оқибатида пиёдалар Н.Ғ. ва М.А. енгил тан жароҳати билан шифохонага олиб борилган.
Ҳолат Тошкент шаҳар ИИББ ЙҲХБ ходимлари томонидан расмийлаштирилган. Ҳозирда суриштирув давом этиб, тегишли ҳужжатлар тўпланмоқда.
«Барча ҳайдовчилардан қоидаларга риоя қилишларини, пиёдаларга эътиборли бўлишларини сўраймиз», — дейилади хабарда.
Мавзуга доир:
- Фарғонада маст ва вояга етмаган ҳайдовчилар бошқарувидаги Lacetti’лар тўқнашди, Қашқадарёда Matiz машина итариб кетаётган пиёдаларни уриб кетди. ЙТҲлар тафсилотлари
- Самарқандда 11 ой аввал автомобиль бошқариш ҳуқуқидан маҳрум бўлган ҳайдовчи қизалоқни уриб юбориб, унинг ўлимига сабабчи бўлди
- Тошкентда Cobalt каналга тушиб кетди (видео)
Изоҳ (0)