Yevropa tiklanish va taraqqiyot banki prezidenti Odil Reno-Basso 24—26-mart kunlari Toshkentda o‘tkaziladigan Xalqaro investitsiya forumidan nimalarni kutayotgani to‘g‘risidagi fikrlari bilan bo‘lishdi.
Reno-Basso ikki kunlik tashirifi davomida O‘zbekistonning yuqori rahbariyati, xususan, prezident Shavkat Mirziyoyev, bosh vaziri o‘rinbosari Jamshid Qo‘chqorov va energetika vaziri Alisher Sultonov bilan uchrashadi.
22-mart kuni bosh vaziri o‘rinbosari — investitsiyalar va tashqi savdo vaziri Sardor Umurzovov hamda Odil Reno-Basso o‘rtasida uchrashuv bo‘lib o‘tdi. Uchrashuv kun tartibida YTTB faoliyatini O‘zbekiston hududlarida kengaytirish, jumladan, hududlar iqtisodiy xususiyati va salohiyatidan kelib chiqib, 3 ta manzilli infratuzilma va sanoatni rivojlantirish rejasi ishlab chiqish to‘g‘risida kelishuvga erishilgan. Bunda tanlangan loyihalarni amalga oshirish uchun YTTB tomonidan moliyaviy va texnik yordam ko‘rsatilishi nazarda tutilgan. Loyihalarni ishlab chiqish va tanlash bank mutaxassislari tomonidan Investitsiyalar va tashqi savdo vazirligi huzurida mamlakatning har bir hududida tashkil etilgan “loyiha guruhlari” bilan birgalikda amalga oshiriladi.
Ma’lum qilinishicha, Odil Reno-Basso YTTB prezidenti sifatida O‘zbekistonga birinchi tashrifini amalga oshirgan.
“O‘tgan yili bankimiz o‘zbek iqtisodiyotiga 690 million dollar kiritdi. Ayni vaqtda O‘zbekistonda bizning yirik yo‘nalishlarimizdan biri hisoblanadi va bu shubhasiz, so‘nggi yillarda amalga oshirilgan ko‘plab ijobiy islohltlar bilan bog‘liq”, — deydi u.
Ta’kidlash kerakki, bank ushbu mablag‘larni mamlakatdagi 22 ta loyihaga kiritgan, shu sababli O‘zbekiston ketma-ket ikkinchi yil mintaqada eng yirik moliyalashtirilayotgan davlat bo‘lib qolmoqda. Bugungi kunda YTTB O‘zbekistondagi 106 ta loyihaga 2,85 milliard yevropadan ortiq investitsiya yo‘naltirgan.
YTTB prezidentining so‘zlariga ko‘ra, 2021-yilda bank qayta tiklanuvchi energiya va uni rivojlantirish, “yashil hududlar”, asosiy infratuzilma va kichik biznesga oid loyihalarni moliyalashtirilgan. Bank mamlakatdagi faoliyatini kengaytirib, O‘zbekistonda o‘zining mintaqaviy uchinchi ofisini ochgan.
“Ammo hozirda ko‘plab mintaqalar tahlikali davrni boshdan o‘tkazayotganini tushunaman. YTTB va boshqa sheriklar Ukrainada urush va uning Markaziy Osiyo hamda butun dunyo iqtisodiyotiga ta’siridan xavotirda. Tashrifim davomida buni ko‘plab o‘zbek do‘stlarim bilan muhokama qilaman”, — deydi Odil Reno-Basso.
Izoh (0)