Futbol bo‘yicha Italiya A Seriyasining 30-turida “Inter” 19-mart, shanba kuni “Fiorentina” bilan bahs yuritdi.
Milanda o‘tgan bahsda jamoalar bir ochkodan bo‘lishib oldi. Lukas Torreyra 50-daqiqada hisobni ochib, mehmonlarni hisobda oldinga olib chiqdi. Oradan 5 daqiqa o‘tib, Denzel Dumfris muvozanatni tikladi va jamoasini mag‘lubiyatdan qutqarib qoldi.
Shu tariqa “Inter” chempionat doirasidagi ketma-ket 2-bellashuvda ochko yo‘qotdi. Jamoa o‘tgan turda “Torino”ni safarda yenga olmagandi. Simone Inzagi shogirdlari 60 ochko bilan musobaqa jadvalida 3-o‘rinda bormoqda. “Fiorentina” esa 47 ochko bilan 8-pog‘onani band etgan.
“Napoli” “Udineze” maydoniga safar qilib, 3 ochko bilan qaytdi.
A Seriya
30-tur bahslari
19-mart, shanba
“Inter” – “Fiorentina” 1:1
Gollar: 0:1 – 50 Torreyra, 1:1 – 55 Dumfris.“Inter”: Handanovich, Dumfris, Dambrozio, Shkrinyar, Bastoni (Dimarko, 80), Perishich (Gozens, 80), Vidal (Kaysedo, 90), Chalxano‘g‘lu, Barella, Jeko (Korrea, 74), Martines (Sanches, 74).
“Fiorentina”: Terrachchano, Venuti, Igor Julio, Milenkovich (Martines, 90), Biragi, Dankan, Torreyra, Kastrovilli, Saponara (Ikone, 74), Piontek (Artur, 90), Gonsales (Kalyexon, 90).
Ogohlantirishlar: Milenkovich (38), Saponara (56), Dambrozio (71).
Izoh (0)