UFC. Александр Волков 1-раунддаёқ таслим этилди, Ҳукер нокаутга учради. Лондонда ўтган MMA оқшомининг 9 жанги муддатидан олдин тугади

Англиянинг Лондон шаҳрида 19 март тунида UFC Fight Night 204 оқшоми бўлиб ўтди.

Мусобақанинг асосий жанги оғир вазн тоифаси вакиллари Александр Волков ва Том Аспинелл ўртасида кечди. Беллашувнинг биринчи раундидаёқ Аспинелл рақибини оғритиш усули билан таслим этди.

Яна бир асосий жанг Ден Ҳукер ва Арнольд Аллен иштирокида бўлиб ўтди. Кутилмаганда Ҳукер дастлабки раунддаёқ нокаутга учради.

Эътиборлиси, 12 та жангдан тўққизтаси муддатидан аввал якунланди, еттита жанг эса биринчи раунддаёқ ўз якунига етди.

• Том Аспинелл 1-раундда оғритиш усули билан Александр Волковни таслим этди;
• Арнольд Аллен 1-раундда Ден Ҳукерни нокаутга учратди;
• Педи Пимблетт 1-раунддаги сабмишен орқали Родриго Варгасга устун келди;
• Гуннар Нелсон ҳакамлар қарорига кўра Такаши Сатони ютди;
• Молли Маккен 3-раундда Луана Каролинани нокаутга учратди;
• Илия Топурия 2-раунддаги нокаут эвазига Жай Ҳербертни енгди.

• Макван Амирхони 1-раундда сабмишен орқали Майк Грандини ютди;
• Сергей Павлович 1-раунддаги техник нокаут эвазига Шамил Абдураҳимовдан устун келди;
• Пол Крейг 1-раундда оғритиш усули билан Никита Криловни енгди;
• Жек Шор ҳакамлар қарорига кўра Тимур Валиев устидан ғалаба қозонди;
• Элиза Рид ҳакамлар қарорига кўра Кори Маккеннани ютди;
• Муҳаммад Мокаев 1-раунддаги сабмишен орқали Коди Дёрдендан устун келди.