Rossiya Ukrainada harbiy operatsiyalarni boshlaganidan beri mamlakatda 816 nafar odam halok bo‘lgan, 1333 nafar fuqaro turli darajada jarohatlar olgan. Bu haqda BMTning inson huquqlari bo‘yicha Oliy komissarining boshqarmasi ma’lum qildi.
2022-yil 18-mart holatiga ko‘ra 816 nafar urush qurbonining — 152 nafari erkaklar, 116 nafari ayollar, mos ravishda 7 nafari qizlar, 16 nafari yigitlar, shuningdek, 36 nafari bolalar va 489 nafari jinsi aniqlanmagan katta yoshli insonlar. 1333 nafar yaradorlarning — 133 nafari erkak, 104 nafari ayol, 17 nafari qizlar va 7 nafari yigitlar, 50 nafari bolalar, shuningdek, 1022 nafar yaralanganlarning jinsi hali aniqlashtirilmagan.
Ukraina hukumati nazorati ostidagi Donetsk va Lugansk viloyatlari hududlarida 172 kishi o‘ldirilgan va 503 nafar odam yaralangan. DXR va LXR nazoratidagi hududlarda 50 nafar odam halok bo‘lgan, 178 kishi turli jarohatlar olgan.
Ukrainaning boshqa viloyatlarida, jumladan, Kiyev, Cherkass, Chernigovsk, Xarkov, Xerson, Kiyevskiy, Nikolayev, Odessa, Sumsk, Zaparojye, Dnepropetrovsk va Jitomirda jami 652 nafar odam yaralangan, 594 nafar odam halok bo‘lgan.
“Tinch aholi vakillari orasidagi qurbonlarning aksariyati portlash qurilmalarining faollashuvi, shuningdek, og‘ir artilleriya vositalaridan va ketma-ket ravishda baravariga zarba berish tizimlari, raketa va aviatsiya zarbalari berilishi oqibatida halok bo‘lgan”,— deyiladi BMT inson huquqlari bo‘yicha BMT Oliy komissarining boshqarmasi. Boshqarma mazkur raqamlarning amalda bundan ko‘proq bo‘lishi mumkin deb hisoblashini bildirgan.
Rossiya—Ukraina urushiga oid tezkor, ishonchli yangiliklar va ma’lumotlarni “Daryo”ning Live sahifasi orqali kuzatib boring → @Daryo_Live
Izoh (0)