Rossiya prezidenti matbuot kotibi Dmitriy Peskov Vladimir Putinni “qonli diktator va haqiqiy kallakesar” deb atagan AQSH prezidenti Jo Baydenga keskin baho bermasligini aytdi. Bu haqda Kreml vakili jurnalistlar uchun o‘tkazilgan brifingda gapirib o‘tdi.
Biz prezident Putinga nisbatan shaxsiy haqoratni o‘z ichiga olgan bayonotlarni eshitib, ko‘rib kelyapmiz. Janob Baydenning bunday asabiyligi, charchashi, ba’zan unutuvchan bo‘lib qolishi, bular esa oxir-oqibat agressiv bayonotlarga olib kelishini hisobga olsak, yanada ko‘proq agressiya keltirib chiqarmaslik uchun, fikrimcha, biz unga hech qanday keskin baho bermaymiz, — dedi Peskov.17-mart kuni Jo Bayden Vladimir Putinni “qonli diktator va Ukraina xalqiga qarshi axloqsiz urush olib borayotgan haqiqiy kallakesar” deb atadi. Undan avval, 16-mart kuni esa Bayden Rossiya prezidentini harbiy jinoyatchi deb atagandi. Dmitriy Peskov AQSH davlat rahbarining “Putinni harbiy jinoyatchi” deb atagan bayonoti “o‘rinsiz va kechirib bo‘lmaydigan nutqdan” boshqa narsa emasligini aytgan.
Eslatib o‘tamiz, bir yil oldin Bayden Putinni “qotil deb hisoblaysizmi?” degan savolga ijobiy javob bergandi.
Izoh (0)