Avstraliya hukumati rossiyalik milliarderlar Oleg Deripaska va Viktor Vekselbergga, shuningdek, Rossiyadagi 11 ta bank va davlat idoralariga qarshi sanksiyalar joriy qildi. Bu haqda Avstraliya tashqi ishlar vazirligiga tayanib, Meduza xabar berdi.
Xususan, “Sberbank”, “Gazprombank”, “VEB”, “VTB”, “Rosselxozbank”, “Sovkombank”, “Novikombank”, “Alfa-Bank” va Moskva kredit banki Avstraliya sanksiyalari ostida qoldi.
Yangi Zelandiya esa yangi sanksiyalarning birinchi bosqichini e’lon qildi. Yangi Zelandiyaga borish va mamlakatdagi aktivlarini muzlatish to‘g‘risidagi qaror Rossiya prezidenti Vladimir Putin va Rossiya Xavfsizlik kengashining 12 a’zosiga ham tegishli. Cheklovlar, shuningdek, 300 dan ortiq siyosatchilar, harbiylar va targ‘ibotchilarga, 19 ta tashkilotga, jumladan, “Promsvyazbank”ga ham ta’sir ko‘rsatadi.
Yaponiya hukumati Rossiyaga qarshi sanksiyalar ro‘yxatiga 9 ta tashkilot va 15 nafar rossiyalikni kiritdi. Jumladan, Rossiya Tashqi ishlar vazirligi matbuot kotibi Mariya Zaxarova va senator Sulaymon Kerimov Yaponiya sanksiyalariga tushdi.
Mavzuga doir:
- Yangi Zelandiya Putinga qarshi sanksiyalarni joriy etdi. Bundan oldin AQSh, Yevropa Ittifoqi, Buyuk Britaniya, Kanada va Yaponiya ham shunday qilgandi
- Janubiy Koreya Rossiya Markaziy bankiga qarshi sanksiyalar kiritmoqchi. Britaniya Rossiyani Interpoldan chetlatishga chaqirdi
- Britaniya Belarusning to‘rt nafar generalini sanksiyalar ro‘yxatiga kiritdi
Izoh (0)