Россия Украинада ҳарбий операцияларни бошлаганидан бери мамлакатда 816 нафар одам ҳалок бўлган, 1333 нафар фуқаро турли даражада жароҳатлар олган. Бу ҳақда БМТнинг инсон ҳуқуқлари бўйича Олий комиссарининг бошқармаси маълум қилди.
2022 йил 18 март ҳолатига кўра 816 нафар уруш қурбонининг — 152 нафари эркаклар, 116 нафари аёллар, мос равишда 7 нафари қизлар, 16 нафари йигитлар, шунингдек, 36 нафари болалар ва 489 нафари жинси аниқланмаган катта ёшли инсонлар. 1333 нафар ярадорларнинг — 133 нафари эркак, 104 нафари аёл, 17 нафари қизлар ва 7 нафари йигитлар, 50 нафари болалар, шунингдек, 1022 нафар яраланганларнинг жинси ҳали аниқлаштирилмаган.
Украина ҳукумати назорати остидаги Донецк ва Луганск вилоятлари ҳудудларида 172 киши ўлдирилган ва 503 нафар одам яраланган. ДХР ва ЛХР назоратидаги ҳудудларда 50 нафар одам ҳалок бўлган, 178 киши турли жароҳатлар олган.
Украинанинг бошқа вилоятларида, жумладан, Киев, Черкасс, Черниговск, Харьков, Херсон, Киевский, Николаев, Одесса, Сумск, Запарожье, Днепропетровск ва Житомирда жами 652 нафар одам яраланган, 594 нафар одам ҳалок бўлган.
«Тинч аҳоли вакиллари орасидаги қурбонларнинг аксарияти портлаш қурилмаларининг фаоллашуви, шунингдек, оғир артиллерия воситаларидан ва кетма-кет равишда бараварига зарба бериш тизимлари, ракета ва авиация зарбалари берилиши оқибатида ҳалок бўлган»,— дейилади БМТ инсон ҳуқуқлари бўйича БМТ Олий комиссарининг бошқармаси. Бошқарма мазкур рақамларнинг амалда бундан кўпроқ бўлиши мумкин деб ҳисоблашини билдирган.
Россия—Украина урушига оид тезкор, ишончли янгиликлар ва маълумотларни «Дарё»нинг Live саҳифаси орқали кузатиб боринг → @Daryo_Live
Изоҳ (0)