“Real” yana “Chelsi”ga qarshi. Yevropa Chempionlar Ligasining 1/4 va 1/2 final o‘yinlariga qur’a tashlandi

Shveysariyaning Nyon shahrida 18-mart, juma kuni Yevropa Chempionlar Ligasi musobaqasining 1/4 va 1/2 final bosqichiga qur’a tashlandi.

“PSJ”ni musobaqadan chiqarib yuborgan “Real” Londonning “Chelsi” jamoasi bilan bahs olib boradi, “Atletiko” esa yana Manchesterga safar qiladi. Bu safar ularning raqibi “Manchester Siti”

1/4 finali qur’asi quyidagicha ko‘rinish oldi:

• “Chelsi” — “Real”
• “Manchester Siti” — “Atletiko”
• “Vilyarreal” — “Bavariya”
• “Benfika” — “Liverpul”

Chorak finalning dastlabki o‘yinlari 5-6-aprel kunlari bo‘lib o‘tadi, javob bahslari esa 12-13-aprelga mo‘ljallangan. Yarim final bellashuvlari esa 26-27-aprel va 3-4-mayda o‘tkaziladi.