Andijon viloyatida huquq-tartibot idoralari tomonidan 15 ming dona kuchli ta’sir qiluvchi psixotrop dori vositalarini sotishni rejalashtirgan shaxslar ushlandi. Bu haqda “Daryo” muxbiri xabar bermoqda.
Huquq tartibot idoralari tomonidan o‘tkazilgan tezkor tadbir davomida 1997-yilda tug‘ilgan K.F. va uning jinoiy sherigi 1978-yilda tug‘ilgan M.N.lar salkam 15 ming dona kuchli ta’sir qiluvchi moddalarni sotishni rejalashtirib, harakatlanganda qo‘lga olingan.
Tadbir davomida M.N.ga tegishli Andijon shahrida joylashgan “Dono bolajon” nomli xususiy bog‘cha tomida 14 613 dona (6258 dona “Tropikamid”, 3539 dona “Regapen” va 4816 dona “Lirika”) kuchli ta’sir qiluvchi moddalar sotish uchun saqlab kelingani aniqlangan.
Shuningdek, K.F.ning yana bir jinoiy sherigi (akasining turmush o‘rtog‘i) 2003-yilda tug‘ilgan S.Z. ko‘zdan kechirilganida undan 205 dona psixotrop moddalar borligi aniqlanib, protsessual tartibda rasmiylashtirilib olingan.
Holat yuzasidan ichki ishlar organlari tomonidan Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari olib borilmoqda.
Mavzuga doir:
- Toshkent viloyatida Tojikistondagi narkokuryer yuborgan 9 kilodan ortiq giyohvand moddani sotib bermoqchi bo‘lgan shaxslar ushlandi
- Qo‘qonda narkodispanserda ro‘yxatda turuvchi erkak dorixona oldida qornini shisha bo‘lagi bilan tilib tashladi (video)
- DXX Samarqandda 1,2 kg giyohvand moddalar savdosiga chek qo‘ydi
Izoh (0)