O‘zbekiston va Ispaniya o‘rtasida diplomatik munosabatlar o‘rnatilganiga 17-mart kuni 30 yil to‘ldi. Bu haqda Tashqi ishlar vazirligi xabar qildi.
Qayd etilishicha, shu munosabat bilan tashqi ishlar vaziri Abdulaziz Komilov Ispaniya tashqi ishlar vaziri Hose Manuel Albaresga tabrik yo‘llagan.
Maktubda O‘zbekiston Ispaniyani sanoat, ilmiy-texnikaviy, madaniy va intellektual salohiyatga ega davlat, shuningdek, Yevropa Ittifoqidagi ishonchli va do‘stona hamkor sifatida bilishi ta’kidlangan.
“Davlatlarimiz ko‘p qirrali hamkorlikni doimiy ravishda rivojlantirish uchun ulkan imkoniyatlarga ega”, — deyiladi O‘zbekiston TIV rahbari maktubida.
Tarixiy do‘stlik va o‘zaro anglashuv tamoyillari asosida qurilgan O‘zbekiston—Ispaniya munosabatlari bundan buyon ham ikki mamlakat xalqlari farovonligi yo‘lida rivojlanib borishiga ishonch bildirilgan.
Izoh (0)