Banklarining mavjud tashqi moliyaviy majburiyatlarini bajarish bilan bog‘liq xatarlarning bank tizimi likvidliligiga ta’siri bo‘yicha dastlabki stress-testlar o‘tkazildi. Bu haqda Markaziy bankning hisobotidan ma’lum bo‘ldi.
Olingan natijalariga ko‘ra, xatarli ssenariy sharoitlarida ham mahalliy banklarning likvid mablag‘larida ma’lum bir darajada pasayishlar kuzatilsa-da, yetarli miqdorda likvidlilik buferlarining mavjudligi hisobiga minimal talablardan kamayib ketish holatlari yuzaga kelmaydi.
Banklar aholi va tadbirkorlarning talablari bo‘yicha to‘lovlarni amalga oshirish, boshqa majburiyatlarni o‘z vaqtida to‘liq bajarishlari uchun yetarli likvidlik va moliyaviy zaxiralarga ega, deyiladi hisobotdaBanklarda yuzaga kelishi mumkin bo‘lgan masalalarni aniqlash va ular bo‘yicha yechimlar ishlab chiqish bo‘yicha Markaziy bankda ishchi guruhi tashkil etilib, banklar bilan doimiy operativ muloqot kanallari yo‘lga qo‘yildi.
Avvalroq Markaziy bank asosiy stavkani 17 foizga oshirgani haqida xabar berilgan edi.
Izoh (0)