O‘zbekiston banklari tomonidan taklif etilayotgan milliy valyutadagi omonatlar shartlari va foiz stavkalari manfaatli hisoblanadi. Bu haqda Markaziy bank raisi Mamarizo Nurmuratov xabar berdi.
Uning fikricha, mamlakatda inflyatsiya darajasi, ayirboshlash kursi dinamikasi va omonatlar bo‘yicha foiz stavkalari orasidagi ijobiylikni hisobga olinadigan bo‘lsa, mablag‘larni milliy valyutada uzoq muddat saqlash to‘g‘ri qarordir. Har qanday holatda barcha omonatchilarga mablag‘larning to‘liq qaytarilishi davlat tomonidan kafolatlanadi.
Eng muhimi, noaniqlik sharoitida vahima uyg‘otmaslik va shoshib o‘ylamasdan qarorlar qabul qilmaslik kerak. Tarix shuni ko‘rsatadiki, vahima keltirib chiqaradigan iqtisodiy yo‘qotishlar iqtisodiy shoklarning o‘zidan bir necha barobar ko‘p bo‘lishi mumkin, bu muhim sababdir, — dedi Mamarizo Nurmuratov.Avvalroq Markaziy bank asosiy stavkani 3 foizga oshirib, 17 foizga ko‘targani haqida xabar berilgan edi.
Izoh (0)