Samarqand viloyati Oqdaryo tumanida sug‘oriladigan yer maydonini sotmoqchi bo‘lgan shaxslar ushlandi, deb xabar bermoqda Iqtisodiy jinoyatlarga qarshi kurashish departamenti.
Qayd etilishicha, Bosh prokuratura huzuridagi departamentning Samarqand viloyati boshqarmasi tomonidan DXXning Oqdaryo tumani bo‘linmasi bilan tezkor tadbir o‘tkazilgan. Unda X.R. ismli fuqaro “B.T” MChJ ta’sischisi F.X. bilan oldindan til biriktirib, MChJga Samarqand shahri “Qorasuv” massividan Xitoy texnologiyasi asosida issiqxona qurish uchun ajratilgan 0,5 gektar sug‘oriladigan yer maydonini sotmoqchi bo‘lgani aniqlangan. Ular yerdan belgilangan maqsadlarda foydalanmasdan, issiqxona qurmasdan, yer maydonini fuqaro A.ga 60 ming dollarga sotishga kelishib, shundan 20 ming dollarini olgan vaqtida ashyoviy dalillar bilan ushlangan.
Holat yuzasidan Jinoyat kodeksining 229-6-moddasi (sug‘oriladigan yer uchastkasiga yoki uning bir qismiga bo‘lgan huquqni sotish yoxud qonunga xilof ravishda boshqacha tarzda o‘zga shaxsga berish) bilan jinoyat ishi qo‘zg‘atilgan. Hozirda tergov harakatlari o‘tkazilmoqda.
Mavzuga doir:
- Andijon va Xorazm viloyatlarida fuqarolarga yer olib berish uchun jami 17,2 ming dollar olgan shaxslar ushlandi
- Buxoroda o‘g‘lining nomidagi 7,4 gektar yerni noqonuniy ravishda 84 ming dollarga sotishga uringan shaxs ushlandi
- Samarqandda Milliy gvardiya xodimi noqonuniy yer sotish uchun 100 ming dollar olayotganida ushlandi
Izoh (0)