Jizzax viloyati Zomin tumanida 13-mart kuni Kia K5 va Nexia-2 to‘qnashuvi oqibatida 8 kishi halok bo‘ldi. Bu haqda viloyat Ichki ishlar boshqarmasi xabar qildi.
Qayd etilishicha, shu kuni taxminan soat 14:50 da tumanning Dashtobod shahri hududidan o‘tuvchi Dashtobod—Zomin—Supa—Baxmal—G‘allaorol 4R-40 yo‘lining 2-kilometrida Kia K5 va Nexia-2 avtomashinalari to‘qnashgan. Yo‘l-transport hodisasi oqibatida YTH ishtirokchilarining 2 nafari voqea joyida hamda 6 nafari shifoxonaga yetkazilgandan so‘ng ko‘rsatilgan tibbiy muolajalarga qaramasdan vafot etgan. Kia K5 haydovchisi I.A. yo‘l-transport hodisasidan olgan tan jarohatlari bilan Zomin tumani tibbiyot birlashmasining jonlantirish bo‘limiga yotqizilgan.
Holat yuzasidan Jinoyat kodeksining 266-moddasi 3-qismi “a” bandi (odamlar o‘limiga sabab bo‘lgan transport vositalari harakati yoki ulardan foydalanish xavfsizligi qoidalarini buzish) bilan jinoyat ishi qo‘zg‘atilgan. Hozirda tergov harakatlari olib borilmoqda.
Izoh (0)