Ўзбекистонда сўнгги кунларда содир бўлган йўл-транспорт ҳодисаларининг тафсилотларини тақдим этамиз.
Сирдарёда автобус тўсиққа урилди
2022 йил 14 март куни соат 14:30 ларда Сирдарё вилояти Сирдарё тумани ҳудудидан ўтувчи М-34 автомобиль йўлининг 92-километрида ҳайдовчи Ж.Р. (1990 йилда туғилган) Golden Dragon автобусида ҳаракатланаётиб, рул бошқарувини йўқотган ва қарама-қарши йўналишни ажратиб турувчи тўсиққа урилган.
ЙТҲ оқибатида тан жароҳати олган фуқаролар йўқ. Автобусда ҳайдовчи ва бир нафар йўловчи бўлган.
Ушбу ЙТҲ юзасидан Сирдарё тумани ИИБ ЙҲХБ ходимлари томонидан суриштирув ҳаракатлари олиб борилмоқда.
Оҳангаронда юк машинаси тиркамаси ағанади
2022 йил 15 март куни соат 13:30 ларда Тошкент вилояти Оҳангарон тумани «Ақча» МФЙ ҳудудидан ўтувчи А-373–М-39 Гулистон–Бўка–Ангрен–Қўқон–Андижон–Ўш автомобиль йўлида ҳайдовчи Б.И. (1990 йилда туғилган) Trailor CYY 2SX русумли тиркама уланган MAN юк автомобилида ҳаракатланиб кетаётган вақтда, уланган тиркама қарама-қарши йўналишни ажратиб турувчи тўсиққа урилган ва MAN автомобилидан ажралган ҳолда қатнов қисмига ағдарилган.
Ҳодиса оқибатида тан жароҳати олган фуқаролар йўқ.
Мазкур ЙТҲ юзасидан Оҳангарон тумани ИИБ ЙҲХБ ходимлари томонидан суриштирув ҳаракатлари олиб борилмоқда.
Андижонда Nexia-2 пиёдани уриб кетди. Жабрланувчи шифохонада вафот этди
Андижон вилоятининг Олтинкўл туманида содир этилган йўл-транспорт ҳодисаси оқибатида йўлни қатнов қисмига югуриб чиққан 12 ёшли бола ҳалок бўлди. Бу ҳақда «Дарё» мухбири хабар бермоқда.
Маълум бўлишича, 2022 йилнинг 12 март куни соат 22:00 ларда Олтинкўл тумани, «Оқтепа» маҳалласи ҳудудидан ўтувчи 4Р-112 автомобиль йўлининг 130 километрида Олтинкўл тумани молия бўлимида ишловчи 53 ёшли ҳайдовчи Р.В. Nexia-2 русумли автомобилини бошқариб кетаётиб, йўлни қатнов қисмига кесиб ўтиш учун югуриб чиққан фуқарони (2010 йилда туғилган) кўрмай қолиши натижасида автомобилни тўхтатишга улгурмасдан уриб юборган.
ЙТҲ оқибатида пиёда кўкрак қафаси эзилиши, бош мия чаноқ қисмининг синиши тан жароҳатлари билан туман шошилинч тез тиббий ёрдам бўлимига ётқизилган. Бироқ кўрсатилган тиббий муолажаларга қарамасдан жабрланувчи шифохонадан вафот этган.
Ҳолат юзасидан Олтинкўл туман ИИБ Тергов бўлими томонидан терговолди суриштирув ҳаракатлари олиб борилмоқда.
Изоҳ (0)