Ukrainadagi 12 kundan beri davom etayotgan urush davrida mamlakatni ikki million odam tark etgan. Bu haqda Qochoqlar masalalari bo‘yicha BMT oliy komissari boshqarmasining rasmiy vakili Shabiya Mantu ma’lum qilgan.
“Ukrainadagi vaziyat — Yevropada Ikkinchi jahon urushi davridan beri qochoqlar inqirozini yuzaga keltiradi”, — degan Mantu.
Qochoqlar masalalari bo‘yicha BMT oliy komissari boshqarmasi ma’lumotlariga ko‘ra, 8-mart Markaziy Yevropa vaqti bilan kunning birinchi yarmi holatiga Ukrainani 2 million 11 ming 312 nafar odam tark etgan.
Ularning katta qismi — 1,2 million aholi Polshaga (8-mart holatiga), 210 mingdan ziyod odam boshqa mamlakatlarga (7-mart holatiga) yana 99,3 ming odam Rossiyaga ketgan.
Rossiya—Ukraina urushiga oid tezkor, ishonchli yangiliklar va ma’lumotlarni “Daryo”ning Live sahifasi orqali kuzatib boring → @Daryo_Live
Mavzuga doir:
- Urushning 12-kuni: Tinch aholi orasidagi qurbonlar sarhisob qilindi. Xalqaro sudda Ukrainaning da’vosi o‘qib eshittirildi. Navbatdagi muzokaralar ham Rossiyaning umidlarini oqlamadi (foto)
- BMT: Ukrainadagi urushda 350 nafardan ziyod tinch aholi halok bo‘ldi
- BMT Rossiya qo‘shinlarini Ukrainadan olib chiqishni talab qiluvchi rezolyutsiya qabul qildi. Unga faqat Rossiya va yana 4 ta davlat qarshi ovoz bergan
Izoh (0)