O‘zbekiston bo‘yicha yanvar oyida jami 1 ming 437 nafar egizak chaqaloq tug‘ilgan. Bu haqda Davlat statistika qo‘mitasi xabar qildi.
Qayd etilishicha, shundan qiz bolalar 49,5 foizni, o‘g‘il bolalar – 50,5 foizni tashkil etgan. Hududlar kesimida tug‘ilgan o‘g‘il egizak chaqaloqlar soni quyidagicha:
- Qoraqalpog‘iston – 33 ta;
- Andijon viloyati – 67 ta;
- Buxoro viloyati – 33 ta;
- Jizzax viloyati – 41 ta;
- Qashqadaryo viloyati – 73 ta;
- Navoiy viloyati – 22 ta;
- Namangan viloyati – 68 ta;
- Samarqand viloyati – 103 ta;
- Surxondaryo viloyati – 65 ta;
- Sirdaryo viloyati – 19 ta;
- Toshkent viloyati– 41 ta;
- Farg‘ona viloyati – 63 ta;
- Xorazm viloyati – 31 ta;
- Toshkent shahri – 67 ta.
Davlat statistika qo‘mitasi 2021-yilda turli yosh toifasiga ko‘ra nikoh qurganlar sonini ma’lum qilgandi. Unga ko‘ra, 20 yoshdan kichik 3,3 ming yigit oila qurgan.
Avvalroq O‘zbekistonning qaysi viloyatida doimiy aholi soni eng ko‘pligi ma’lum qilingani, 2021-yilning dastlabki 11 oyida 276,9 mingta nikoh tuzilgani, 2021-yil 1-dekabr holatiga ko‘ra, O‘zbekistonda yil boshidan buyon 832,4 ming nafar tug‘ilish holati qayd etilgani to‘g‘risida xabar berilgandi.
Bundan tashqari, qo‘mita doimiy aholining yosh tarkibi bo‘yicha taqsimlanishi haqida ma’lumot bergandi. Keltirilgan ma’lumotga ko‘ra, O‘zbekiston aholisi sonida 0-4 yoshlilar eng ko‘p, 85 va undan kattalar esa ozchilikni tashkil etadi.
Izoh (0)