Farg‘onada Koreyaga ishga yuborishni va’da qilib, fuqarodan 2500 dollar olgan shaxsga jinoyat ishi qo‘zg‘atildi. Bu haqda “Daryo”ga viloyat IIB axborot xizmati xabar bermoqda.
Qayd etilishicha, Marg‘ilon shahrida yashovchi S.F. ichki ishlar bo‘limiga murojaat qilib, noma’lum shaxs ukasi S.B.ni vakolatli tanishlari orqali Koreya davlatiga ishlashga yuborishni va’da qilganini, evaziga esa undan 2 ming 500 dollar olib, pullarni ehtiyojlari uchun sarflab yuborganini bildirgan.Olib borilgan tezkor qidiruv harakatlari davomida ushbu jinoyatni M.A. sodir etganligi aniqlangan.
Mazkur holat yuzasidan Quva tumani IIB huzuridagi tergov bo‘limi tomonidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)