Andijon viloyatining Oltinko‘l va Xorazm viloyatining Yangiariq tumanlarida yer maydonlarini sotmoqchi bo‘lgan firibgarlar ushlandi. Bu haqda Iqtisodiy jinoyatlarga qarshi kurashish departamenti xabar qildi.
Qayd etilishicha, Bosh prokuratura huzuridagi departamentning Andijon viloyati boshqarmasi tomonidan DXXning Oltinko‘l tumani bo‘limi bilan hamkorlikda tezkor tadbir o‘tkazilgan. Unda fuqaro N.Y. boshqa bir fuqaro O.ning ishonchiga kirib, unga yuqori lavozimda ishlovchi tanishlari yordamida Andijon shahri Boburshoh ko‘chasidagi bo‘sh turgan 3 sotix yer maydoniga uy-joy qurish uchun ruxsatnoma olib berishini aytgani aniqlangan. U xizmati evaziga 12 ming dollar so‘rab, shundan 1 ming 700 dollarini qo‘lga kiritib, yana 5 ming dollarini olgan vaqtida ashyoviy dalillar bilan ushlangan.
Departamentning Yangiariq tumani bo‘limi tomonidan DXXning Xiva shahri bo‘limi bilan tezkor tadbir o‘tkazilgan. Unda fuqaro A.K. Yangiariq tumanidagi “Saburzom” mahallasida fuqaro R.ning nomiga tugallanmagan turar joy binosi sifatida rasmiylashtirilgan 13 sotix ekin yer maydonini fuqaro fuqaroga sotishga kelishib, tanishlari orqali hujjatlarni rasmiylashtirib berishni va’da qilgani aniqlangan. U evaziga 10 ming 500 dollarini olgan vaqtida ashyoviy dalillar bilan ushlangan.
Holatlar yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishlari qo‘zg‘atilib, tergov harakatlari o‘tkazilmoqda.
Mavzuga doir:
- Farg‘onada fuqaroga 1 mlrd so‘m kredit olib berish uchun 30 mln so‘m so‘ragan bank mutaxassisi ushlandi
- Andijonda Milliy gvardiyaga ishga va “Diplomatiya”ga o‘qishga kiritib qo‘yish uchun 32 ming dollar olgan shaxslar ushlandi
- Toshkent tumanida hokimlik zaxirasidan 14 sotix yerni 8 ming dollar evaziga olib berishni va’da qilgan shaxs ushlandi
Izoh (0)