O‘zbekistonda har ming nafar doimiy aholiga o‘rtacha 87 ta yengil avtomobil to‘g‘ri kelmoqda. Bu haqda Davlat statistika qo‘mitasi xabar qildi.
Qayd etilishicha, 2022-yilning 1-yanvar holatiga respublikada jismoniy shaxslarga tegishli jami yengil avtomobillar soni 3 million 51 ming 734 tani tashkil etadi.
Jismoniy shaxslarga tegishli yengil avtomobillar soni o‘tgan yilning mos davri bilan solishtirilganda 284 ming 608 taga oshgan.
O‘zbekistonda 2022-yilning 1-yanvar holatiga ko‘ra, 1 kilometr/kvadrat yer maydoniga o‘rtacha 78,6 nafar doimiy aholi soni to‘g‘ri keladi. O‘zbekistonda 2022-yil 1-yanvar holatiga ko‘ra, doimiy aholi soni 35 271,3 ming kishini tashkil etib, 2021-yil 1-yanvarga nisbatan 712,4 ming kishiga yoki 2,1 foizga ko‘paygan. 2021-yilda O‘zbekiston bo‘yicha 305 082 ta nikoh, 39 227 ta nikohdan ajralish holatlari qayd etilgan.
Izoh (0)