“Milan” Italiya Kubogi yarim finalida “Inter”ga qarshi o‘yin oldidan Ukraina bayrog‘i tushirilgan libosda mashg‘ulotlar o‘tadi.
“Rossonerilar” Ukraina bayrog‘i aks etgan va “Tinchlik” so‘zi yozilgan oq futbolkada o‘yin oldi mashg‘ulotlarida qatnashdi. Hakam hushtagi chalinishidan oldin ikkala jamoa ham “Tinchlik” deb yozilgan plakat qarshisida suratga tushdi.
Kubok doirasida bo‘lib o‘tgan Milan derbisida hisob ochilmadi.
Mazkur bahs oldidan, shuningdek, Ukraina terma jamoasi va “Milan” klubi sobiq hujumchisi Andrey Shevchenko muxlislarga murojaat qildi.
“‘San-Siro’da yig‘ilgan, italiyalik do‘stlar, sizdan Ukrainada tinchlik bo‘lishini qo‘llab-quvvatlashingizni so‘rab qolaman.
Ukraina xalqi tinchlik istaydi, chunki tinchlikda chegara yo‘q, bizni birlashtirib turgan narsa, bizni ayirib turgandan kuchliroq bo‘lishi lozim”, — deydi Shevchenko.
24-fevral kuni Rossiya prezidenti Vladimir Putin Donbassda “maxsus harbiy operatsiya” boshlanganini e’lon qildi. Ayni vaqtda Ukrainaning qator hududlarida harbiy harakatlar davom etmoqda.
Izoh (0)