“Lester” hujumchisi Jeymi Vardi Angliya Premyer Ligasining 22-turi doirasidagi o‘yinda “Byornli” darvozasini ishg‘ol qildi (2:0).
35 yoshli hujumchi uchun bu 30 yoshdan keyin APLda urilgan 94-gol bo‘ldi. Shu tariqa Vardi bundan 30 yil oldin o‘rnatilgan natijani yangiladi. O‘shanda “Arsenal” va “Vest Hem” sobiq hujumchisi Ian Rayt 30 yoshdan keyin 93 ta gol urishning uddasidan chiqqandi.
Ushbu ko‘rsatkich bo‘yicha 3-o‘rinni Alan Shirer (“Nyukasl”) egallab turibdi — 84.
Ma’lumot uchun, Vardi 2012-yildan beri “Lester” safida to‘p surib keladi. U Premyer Liganing 2021/22-yilgi mavsumida 17 o‘yinda 10 ta gol va 2 ta golli uzatmaga mualliflik qildi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)