“PSJ” hujumchisi Lionel Messi fransuz matbuotining tanqidlarini og‘ir qabul qilmoqda.
So‘nggi oylarda mashhur fransuz nashrlari muntazam ravishda hujumchiga uchrashuvlar natijalariga ko‘ra juda past baho qo‘yib kelmoqda.
34 yoshli hujumchining reytinglari hatto Parij klubining kiyinish xonasida ham muhokama qilina boshlagani aytilmoqda.
El Chiringuito nashriga ko‘ra, Messi klub rahbarlariga OAVning bunday munosabatidan hayratlanganini va bularning asossiz ekanini aytgan. Uning fikriga ko‘ra, bu unga haddan tashqari bosim yuklaydi.
Ma’lumot uchun, 2021-yilning yozida erkin agent sifatida “PSJ”ga o‘tgan Messi Fransiya chempionatining 2021/22-yilgi mavsumida 15 o‘yin o‘tkazib, 2 ta gol va 11 ta golli uzatmaga mualliflik qildi. Uning klubi bilan amaldagi shartnomasi 2023-yilga qadar mo‘ljallangan.
Mavzuga doir: Lionel Messi 4 yildan beri “Real”ga gol ura olmayapti
Izoh (0)