Ukrainadan Polsha hududi orqali evakuatsiya qilingan O‘zbekiston fuqarolarining umumiy soni 762 nafarga yetdi. Bu haqda Tashqi ishlar vazirligi xabar qildi.
Qayd etilishicha, 1-mart kuni soat 15:05 da Polshaning Katovitse shahridan Ukrainadan evakuatsiya qilingan 253 nafar O‘zbekiston fuqarolari Uzbekistan Airways’ning uchinchi maxsus samolyoti bilan vatanga uchib ketgan. Ular orasida 68 nafar ayol, 54 nafar bola va 12 nafar chaqaloq bor. Bort Toshkentga taxminan 20:45 da qo‘nishi kutilmoqda.
1-mart kuni yana ikkita reys tashkil etilishi kutilmoqda.
O‘zbekiston fuqarolari “Karchova” nazorat punktiga kelishda davom etmoqda. Tez orada ular ham O‘zbekistonga qaytariladi.
Izoh (0)