Украинадан Польша ҳудуди орқали эвакуация қилинган Ўзбекистон фуқароларининг умумий сони 762 нафарга етди. Бу ҳақда Ташқи ишлар вазирлиги хабар қилди.
Қайд этилишича, 1 март куни соат 15:05 да Польшанинг Катовице шаҳридан Украинадан эвакуация қилинган 253 нафар Ўзбекистон фуқаролари Uzbekistan Airways’нинг учинчи махсус самолёти билан ватанга учиб кетган. Улар орасида 68 нафар аёл, 54 нафар бола ва 12 нафар чақалоқ бор. Борт Тошкентга тахминан 20:45 да қўниши кутилмоқда.
1 март куни яна иккита рейс ташкил этилиши кутилмоқда.
Ўзбекистон фуқаролари «Карчова» назорат пунктига келишда давом этмоқда. Тез орада улар ҳам Ўзбекистонга қайтарилади.
Изоҳ (0)