Oliy Majlis Qonunchilik palatasining navbatdagi majlisida bosh vazir o‘rinbosari — Xotin-qizlar va oila ishlari qo‘mitasi rahbarligiga Zulayho Mahkamova nomzodi ma’qullandi. Bu haqda Telegram’dagi “Nigoh” kanali xabar berdi.
Zulayho Mahkamova 2020-yilning martidan buyon Namangan viloyati To‘raqo‘rg‘on tumani hokimi lavozimida faoliyat yuritib kelayotgandi.
Ma’lumot uchun, Zulayho Mahkamova 1968-yili Namangan viloyatining Yangiqo‘rg‘on tumanida tug‘ilgan. Namangan davlat pedagogika instituti hamda Prezident huzuridagi davlat va jamiyat qurilishi akademiyasini tamomlagan. O‘zbekiston Xotin-qizlar qo‘mitasi raisining birinchi o‘rinbosari lavozimida ishlagan.
Eslatib o‘tamiz, 2020-yilning fevralida O‘zbekiston prezidentining “Jamiyatda ijtimoiy-ma’naviy muhitni sog‘lomlashtirish, mahalla institutini yanada qo‘llab-quvvatlash hamda oila va xotin-qizlar bilan ishlash tizimini yangi darajaga olib chiqish chora-tadbirlari to‘g‘risida”gi farmoniga muvofiq bosh vazir o‘rinbosari, Vazirlar Kengashi raisi o‘rinbosari, tegishli hokim o‘rinbosarlari sanalgan xotin-qizlar qo‘mitalari raisi lavozimlari tugatilgandi.
Izoh (0)