Rauf Komiljonov “Savdogarbank”ni deyarli to‘liq sotib oldi

Birja ma’lumotlariga ko‘ra, Rauf Komiljonovning “Savdogar” aksiyadorlik tijorat bankidagi aksiyalar ulushi 45,7 foizdan 99,2 foizga oshgan. 

Bitim 24-fevral kuni imzolangan. Noyabr oyining oxirida Rauf Komiljonov bankning 695 mln dona aksiyalarini 83,5 mlrd so‘mga sotib olgan edi.

“Savdogarbank’’ 2021-yilning 3-chorak yakunlariga ko‘ra 10,8 mlrd so‘m zarar ko‘rgan.

“Savdogar” aksiyadorlik tijorat bankidan tashqari Rauf Komiljonov “Ramirus gas service”, “Profit store”, “Gazstroyspecservice” kabi MChJlarning ta’sischisi ham hisoblanadi. Bundan tashqari u Toshkentdagi “Samarqand darvoza” savdo majmuasini 11 foizlik aksiyalariga egalik qiladi.

Avvalroq O‘zbekistondagi eng daromadli banklar ro‘yxati ma’lum qilingan edi.