Namangan xalqaro aeroportidan Qozog‘istonning Olmaota shahriga ilk aviparvoz amalga oshirildi. Bu haqda “Daryo” muxbir Azizbek Abduvaliyev xabar bermoqda.
Mazkur reys Qozog‘istonning FlyArystan aviakompaniyasi tomonidan bajarildi.
Ushbu aviakompaniya havo kemasi Namanganga ilk bor qo‘ngani sababli aeroportda o‘ziga xos suvli arka hosil qilindi.
Qozog‘istonlik uchuvchi va styuardessalar esa gullar bilan qarshi olindi.
FlyArystan aviakompaniyasiga qarashli A-320 rusumli havo kemasi Namangandan Olmaotaga 173 nafar yo‘lovchini olib ketdi.
Aeroport mutasaddilarining ma’lum qilishicha, Olmaota—Namangan—Olmaota yo‘nalishida haftada bir marotaba muntazam aviareysni yo‘lga qo‘yish rejalashtirilmoqda.
Mavzuga doir: Namangandan Dog‘istonga ilk aviaparvoz amalga oshirildi
Izoh (0)