Semurg Insurance kompaniyasi 18-fevral kuni Hilton Tashkent City mehmonxonasida agrosug‘urta bo‘yicha AgroInsurance Conference 2022 birinchi xalqaro konferensiyasini o‘tkazdi. Tadbirga taklif etilgan qishloq xo‘jaligi va agrosanoatni sug‘urtalash sohasidagi xalqaro ekspertlar tavakkalchiliklarni boshqarish, xalqaro investitsiyalarni jalb qilish va O‘zbekiston qishloq xo‘jaligi tarmog‘ining samaradorligini oshirish kabi muhim mavzularda fikr yuritib, tajribalari bilan bo‘lishishdi.
Qishloq xo‘jaligi O‘zbekiston iqtisodiyotining yetakchi tarmoqlaridan biri bo‘lib, yalpi ichki mahsulotning 25 foizidan ortig‘ini ta’minlaydi. Agrar tarmoqning barqaror o‘sishi va rivojlanishi mamlakatimiz iqtisodiyotining ustuvor yo‘nalishlaridan.
BMTning Jahon oziq-ovqat va qishloq xo‘jaligi tashkiloti tahliliga ko‘ra, yangi ming yillik boshlanishi bilan anomal ob-havo bilan bog‘liq holatlar 4 barobar ko‘proq ro‘y bermoqda, keyingi yillarda esa O‘zbekistondagi qishloq xo‘jaligi ishlab chiqaruvchilari noqulay iqlim hodisalari oqibatida yirik zarar ko‘rib kelmoqda. Ayoz, kuchli yog‘inlar, tuproq yuzasining qotib qolishi natijasida qayta ekish, shamol, yong‘in, haroratning o‘sib-pasayishi, hosilni yig‘ish davrida ortiqcha namlanish shular jumlasidan.
Ushbu muammolar AgroInsurance Conference 2022 konferensiyasida mamlakatimizning qishloq xo‘jaligi sohasidagi ekspertlari tomonidan keng yoritildi. Jumladan, Markaziy Osiyo davlatlararo suv xo‘jaligini muvofiqlashtirish komissiyasi ilmiy-axborot markazi direktorining o‘rinbosari Shavkat Kenjaboyev respublikamizda suv ta’minotining joriy holati to‘g‘risida batafsil so‘zlab berdi: “O‘zbekistonning suv resurslari umumiy iste’molning atigi 20 foizini tashkil etadi, suv tanqisligi va qurg‘oqchilik agrar tarmoqdagi eng katta muammolardan biridir”.
O‘simliklar karantini va himoyasi ilmiy-tadiqiqot instituti katta ilmiy xodimi, o‘simliklarni zararli organizmlardan himoya qilish laboratoriyasi mudiri, qishloq xo‘jaligi fanlari nomzodi Ilhom Isomiddinov karantin zararkunandalari, kasalliklari va begona o‘tlarning aholini qishloq xo‘jaligi mahsulotlari bilan ta’minlash va ularning eksportiga ta’siri to‘g‘risida muhim ma’lumotlar bilan bo‘lishdi. O‘z ma’ruzasida bugungi kunda O‘zbekiston hududida 88 turdagi zararkunanda va 40 dan ortiq turdagi o‘simlik kasalliklari qayd etilganini ta’kidladi.
Bunday xavf-xatarlarning agrar tarmoqqa katta ta’sir ko‘rsatayotgani va sug‘urta himoyasiga oqilona yondashuvni talab etayotgani shubhasiz.
Konferensiyaning markaziy voqeasi O‘zbekiston bozori uchun yangi bo‘lgan sug‘urta mahsulotining taqdimoti bo‘ldi. Mahsulot haqida Semurg Insurance kuzatuv kengashi raisi va Challenge Group xalqaro brokerlik guruhi bosh direktori Georgiy Lavrishev so‘zlab berdi. Xususan, mahsulotning o‘ziga xosliklari ochib berilib, uning qishloq xo‘jaligini qo‘llab-quvvatlash, zararni kamaytirish va shu bilan bir vaqtda agrar ishlab chiqaruvchilarga hosilsizlik ro‘y berganda to‘g‘ridan to‘g‘ri to‘lov olish imkonini beruvchi ikkita prinsipial muhim jihati ko‘rsatib o‘tildi.
Bular:
Semurg Insurance’dan hosilni sug‘urtalash xizmati yetkazilgan zararni aynan qishloq xo‘jaligi ishlab chiqaruvchisiga qoplab beradi. Ilgari bozorda moliyaviy tavakkalchiliklarni sug‘urtalash bo‘yicha odatdagi polislar ommaviy bo‘lgan, lekin bunday polislar faqat bank manfaatlarini himoya qiladi. Hosilni sug‘urtalash mahsuloti esa bevosita agrar ishlab chiqaruvchilarni himoya qiladi.
Yangi mahsulotning vazifasi — hosilsizlik ro‘y berganda zararlarni qoplashgina emas, balki avvalboshdan tavakkalchiliklarni kamaytirish. Semurg Insurance agrar soha ekspertlaridan iborat jamoani to‘plagan va o‘z mijozlariga keng qamrovli maslahatlarni taklif etadi. Tajribali baholovchilar, qurg‘oqchilik bo‘yicha ekspertlar, tuproqshunos va agronomlar dalalarni ko‘zdan kechiradi, tuproqni, agrotexnologiyalarni tahlil qiladi, o‘simliklar kasalliklari va zararkunandalarni laboratoriyada o‘rganadi. Barcha jarayonlarni maqbullashtirish bo‘yicha batafsil tavsiyalar ishlab chiqiladi. Semurg Insurance’ning yondashuvi maksimal darajadagi hosildorlikka erishishga qaratilgan, bundan esa barcha ishtirokchilar manfaatdor.
Har bir qishloq xo‘jaligi ishlab chiqaruvchisiga hosilni yo‘qotish xavfini kamaytirish va kutilmagan hodisalardan himoyalanish bo‘yicha ekspertlarning individual tavsiyalari beriladi.
Bunday yondashuvning ahamiyatini Semurg Insurance kuzatuv kengashi a’zosi Ulug‘bek Mirzamuhamedov ham qayd etib, sug‘urtaning ushbu shakli bevosita agrar ishlab chiqaruvchilarning manfaatli, ularning biznesi va daromadlarini himoya qilishini ta’kidladi. Bu mahsulot katta zarar bilan biznesni tark etish emas, balki sug‘urta hodisasidan keyin tiklanib olishga yordam beradi. Bu ulkan ijtimoiy ahamiyatga ega bo‘lib, istiqbolda mamlakatning iqtisodiy o‘sishiga xizmat qiladi va YAIMning barqarorligini mustahkamlaydi.
O‘zbekiston uchun noyob bo‘lgan bunday mahsulot Semurg Insurance’ning xalqaro ekspertlar va qayta sug‘urtalash bo‘yicha hamkorlar bilan yaqin sherikligi natijasida yaratildi. Qishloq xo‘jaligini sug‘urtalash sohasidagi asosiy sheriklardan biri — Swiss Re (Shveysariya) jahondagi eng yirik qayta sug‘urtalash kompaniyasi. Ushbu kompaniya bozorda 1863-yildan buyon faoliyat yuritayotgan bo‘lib, eng yuqori ishonchlilik va mustahkam obro‘ga ega, bu esa sug‘urta hodisasi ro‘y berganda mijozlarimizga o‘z vaqtida to‘lov qilinishini kafolatlaydi. Semurg Insurance’ni Shveysariya, Germaniya va Fransiyaning boshqa yirik qayta sug‘urtalovchilari — Hannover Re, Axis Re, Scor Re ham qo‘llab-quvvatlamoqda. Ular bilan birgalikda amalga oshirilayotgan loyihalar g‘o‘za va kuzgi g‘allani himoya qilish xizmatlarini qamrab olgan.
O‘zbekiston bozorini qo‘llab-quvvatlashda agrosug‘urtaning imkoniyatlari bu bilan cheklanmaydi. AgroInsurance Conference 2022 konferensiyasida xalqaro ekspertlar hamda Germaniyaning InsuResilience investitsiya fondi va Sug‘urtani rivojlantirish forumi (IDF) vakillari: Marsel Andriesse (Swiss Re), Maykl Leyxi (Axis Re) va Olena Sosenko ham so‘zga chiqdi.
InsuResilience vakili Oleno Sosenko o‘z ma’ruzasida agrosug‘urta butun qishloq xo‘jaligi nafaqat g‘o‘za va g‘alla, balki bog‘dorchilik va meva-sabzavotchilikning rivojida muhim o‘rin tutishini ta’kidladi. Fond Sug‘urtani rivojlantirish forumi (IDF) bilan birgalikda butun dunyo bo‘ylab, qishloq xo‘jaligini qo‘llab-quvvatlash va moliyaviy ko‘makka muhtoj xo‘jaliklarga investitsiya kiritishga alohida e’tibor qaratmoqda. Ayni paytda O‘zbekiston davlat idoralari va InsuResilience fondi ishtirokida ushbu investitsiyalarni O‘zbekistonga jalb qilish ustida faol ish olib borilmoqda. Agrosug‘urta o‘z navbatida ushbu jarayonning muhim tarkibiy qismi hisoblanadi, chunki xalqaro investorlar uchun kafolat taqdim etadi. Bog‘ va sabzavot hosili ishonchli sug‘urta himoyasi bilan ta’minlangandagina ushbu xalqaro investitsiya loyihasi samarali bo‘ladi.
Semurg Insurance mamlakatimizning turli hududlaridan konferensiyaga taklif etilgan professional qishloq xo‘jaligi ishlab chiqaruvchilari, dehqon xo‘jaliklari va klasterlar vakillari konferensiyada muhokama qilingan mavzularga katta qiziqish bildirganidan mamnun. Ishtirokchilar ko‘plab savollar bergani ham ishimiz naqadar muhim ekanini yana bir bor tasdiqladi va agrar tarmoqda sug‘urtani yanada rivojlantirish zarurligini ko‘rsatdi.
Semurg Insurance yuksak xalqaro standartlarga tayangan holda agrosug‘urta yordamida O‘zbekiston qishloq xo‘jaligini har tomonlama qo‘llab-quvvatlash borasidagi tashabbusni davom ettiradi.
Reklama huquqi asosida.
Izoh (0)