Futbol bo‘yicha Yevropa Ligasi 1/8 final bosqichiga o‘tish o‘yinlari doirasidagi javob bahslari 24-fevral, payshanba kuni bo‘lib o‘tdi.
“Barselona” Italiyada “Napoli” mehmoni bo‘ldi. Uchrashuvning 8-daqiqasida Xordi Alba hisobni ochdi. 13-daqiqada Frenki de Yong kataloniyaliklarning ikkinchi goliga mualliflik qildi. 23-daqiqada Lorenso Insinye penaltidan unumli foydalanib, hisobni qisqartirdi. Birinchi bo‘lim so‘ngida Xerard Pike “Barselona”ning uchinchi golini urdi.
59-daqiqada Pyer-Emerik Obameyang hisobni yirik ko‘rinishga olib keldi. 87-daqiqada neapolliklar futbolchisi Matteo Politano o‘z hisobiga gol yozdirib qo‘ydi.
Mazkur jamoalar o‘rtasidagi birinchi o‘yinda 1:1 hisobida durang qayd etilgandi. Ikki o‘yin natijasiga ko‘ra, Xavi shogirdlari 5:3 hisobida g‘alaba qozonib, 1/8 finalga yo‘l oldi.
“Borussiya D” “Reynjers” bilan bahs olib bordi. Dortmundliklar safida Jud Bellinghem va Donyell Malen o‘z hisobiga gol yozdirib qo‘ygan bo‘lsa, “Reynjers” safida Jeyms Tavernе dublni rasmiylashtirdi.
2:2 hisobida nemis jamoasi uchun 1/8 finalga chiqishga yetarli bo‘lmadi. Dastlabki o‘yinda “Reyjners” 4:2 hisobida g‘olib bo‘lgandi. Umumiy hisob 6:4 Shotlandiya klubi foydasiga.
“Borussiya D” o‘tish o‘yinidayoq o‘z yurishini to‘xtatishga majbur bo‘ldi. “Reynjers” keyingi bosqichga yo‘l oldi.
Yevropa Ligasi
1/8 finalga o‘tish o‘yinlari, javob bahslari
24-fevral, payshanba
“Napoli” – “Barselona” 2:4
Gollar: 0:1 – 8 Alba, 0:2 – 13 de Yong, 1:2 – 23 Insinye, 1:3 – 45 Pike, 1:4 – 59 Obameyang, 2:4 – 87 Politano.“Napoli”: Meret, Di Lorenso, Kulibali, Rrahmani, Mariu Ruy, Demme (Politano, 46), Zelinski (Mertens, 74), Fabian Ruis (Unas, 74), Elmaz, Insinye (Petanyya, 82), Osimhen (Gulyam, 74).
“Barselona”: ter Stegen, Dest, Pike, Arauxo, Alba, Buskets (Gavi, 62), de Yong, Pedri (Niko Gonsales, 75), Obameyang (de Yong, 75), Traore (Dembele, 74), Ferran Torres (Puch, 82).
Ogohlantirishlar: Zelinski (56), Fabian Ruis (62), Gavi (90+3).
Dastlabki o‘yin — 1:1
“Reyjners” – “Borussiya D” 2:2
Gollar: 1:0 – 22 Taverne (penalti), 1:1 – 31 Bellinghem, 1:2 – 42 Malen, 2:2 – 57 Taverne.“Reynjers”: Makgregor, Taverne, Goldson, Bassi, Barishich (Balogun, 46), Jek, Arfild (Kamara, 69), Landstrem, Aribo, Morelos, Kent.
“Borussiya D”: Kobel, Menye (Volf, 46), Hummels, Jan, Shuls, Azar (Reyner, 69), Brandt (Mukoko, 69), Daud, Bellinghem, Roys (Vitsel, 86), Malen (Tigges, 77).
Ogohlantirishlar: Landstrem (39), Bellinghem (51), Shuls (55), Jan (67).
Dastlabki o‘yin — 4:2
Izoh (0)