Server Jeparov “Lokomotiv”da ish boshladi. Bu haqda “temiryo‘lchilar” matbuot xizmati ma’lum qildi.
Qayd etilishicha, “Lokomotiv” jamoasi futbol maktabini rivojlantirish yo‘lida bir qator loyihalarni ishlab chiqqan. Unga ko‘ra, futbol maktabini yuqori darajaga olib chiqishda Server Jeparov ham katta o‘ringa ega bo‘ladi.
Hozirgi kunga qadar O‘zbekiston U-15 terma jamoasini boshqarayotgan 39 yoshli mutaxassis endilikda “Lokomotiv” futbol maktabida ham faoliyat olib boradi.
Eslatib o‘tamiz, Jeparov 2016-yilda futbolchi sifatida “temiryo‘lchilar” safida o‘ynagan.
Ma’lumot uchun Server futbolchilik faoliyati davomida O‘zbekistonning “Navbahor”, “Paxtakor”, “Bunyodkor”, “Lokomotiv”, “Metallurg”, Janubiy Koreyaning “Seul”, “Seongnam”, “Ulsan”, Saudiya Arabistonining “Ash-Shabab”, Eron chempionatining “Istiqlol”, “Sepaxon” va Qozog‘istonning “Jetisu” klublarida to‘p surgan.
Eslatib o‘tamiz, Jeparov 2019-yilda faoliyatini “Metallurg” safida yakunlagan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)